Да видиме и некоја фудбалска содржина од мечот Шкупи - Левски кој мина во знакот на навивачите и нивните насилни нагони. Македонскиот претставник во Конференциската лига загуби 0:2, а при нерешен резултат испушти чиста 100% шанса за гол.

Навивач на Левски Софија бил прободен со нож и веднаш пренесен во болница за време на инцидентите пред мечот против Шкупи во рамките на второто квалификациско коло во Конференциска лига.

Македонскиот репрезентативец Аријан Адеми ја отвори новата сезона во ЛШ со голови. Капитенот на Динамо го израмни резултат против македонскиот првак кој извади изненадувачки 2:2 на Максимир, а потоа и асистираше за вториот гол.

По триумфот на домашен терен од 3:0, Шкупи едвај ја мина првата пречка во квалификациите за ЛШ. Линколн на реваншот славеше со 2:0 и македонскиот првак за малку ќе се посрамотеше против аматерите од Гибралтар. По последниот свиреж на судијата имаше турканици и за влакно беше избегната тепачка. Во второ коло Шкупи се среќава со Динамо Загреб.

Шкупи или Слога Југомагнат по старо, ја прослави шампионската титула. Играат во македонска лига, имаат неколку македонски фудбалери, тренер им е Гоце Седлоски, а се однесуваат како да се дел од албанскиот или косовскиот шампионат, исто како Шкендија. Ова е атмосферата на стадионот во Чаир во последното коло против Академија Пандев.

Новиот македонски првак Шкупи едвај спаси жива глава на гостувањето кај ланскиот првак Шкендија. Се јавија со реакција за низата инциденти кои се случија во Тетово и ги потсетија тетовци како тие беа пречекани во Чаир.

Додека Италија ужива во градската битка за Скудетото, а во Англија за титулата се борат гигантите Сити и Ливерпул, ние тука ај што немаме можност нормален фудбал да гледаме, туку имаме и некои цивилизациски заостанувања и во 21 век бележиме гаѓање фудбалери со камења.

Футсал шампионатот во Македонија синоќа дочека нов рекорд, а тоа е победа од 37:0. Жртвата е тимот на Кратово, а безмилосниот победник е Шкупи. Зоран Левески броеше до 15.

Ако некој погодок треба да оди на најавна шпица, тоа дефинитивно е овој на мечот меѓу Шкупи и Шкендија. Домаќините славеа 2:0 со головите на Марин Јурина, а вториот е нешто што не се сеќаваме последен пат кога сме го виделе. Црногорската, со лежење му го даде. Смешки или срамои, како сакате.

Откако Шкендија, Шкупи, Македонија Ѓорче Петров и Академија Пандев направија “дар мар“ уште во првото квалификациско коло за излез во Европа, а Шкендија синоќа загуби дома од Дуделанж од Луксембург и во ЛЕ, колегата Филе има добар предлог.

Во 30-то коло од македонската лига паднаа два гола по два комични кикса кои заслужуваат истрага која ниту ќе се случи, ниту па некој ќе помисли да го помрдне газот да ја спроведе. Маалските турнири се сфаќаат посериозно од нашата бедна прва лига каде веќе и кравите во терените - ливади, знаат дека има пазар.

Нивото на мак фудбалот не се мери само по квалитетот, организацијата, инфраструктурата и слично, туку и по менталитетот и културата на самите актери на терен. Фоткава не е од селана, туку од прва лига, а на неа е фудбалер на Шкендија на гостување против Шкупи, кој до скоро играше на европска сцена. Сам се издаде по бројката.

По триумфот од 2-0 во Глазгов и ремито 0-0 на реваншот во Скопје, трофејниот клуб го елиминираше тимот на Шкупи, а двомечот остана во сенка на расистичките навреди на еден кретен кој се декларира како навивач на Глазгов Ренџерс.

Дуелот од првото квалификациско коло во Лига Европа меѓу Шкупи и Глазгов Ренџерс беше прв официјален настап на Џерард како тренер. Легендата на Ливерпул оствари водство од 2:0 пред реваншот во Скопје на 17-ти јули, ама како уште да му се игра фудбал.

Македонските претставници во Лига Европа не можат баш да се израдуваат нa денешната ждрепка во Нион. Никој од трите македонски претставници не доби лесен противник, осбено не Шкупи кој ќе се судри сo 54 кратниот шампион на Шкотска.

За УЕФА нема зима. Фондот за ЛШ и ЛЕ изгледа како секоја година да им расте. Следната сезона ќе поделат дури 900 милиони евра повеќе од лани. Ќе тријат раце и четири македонски екипи, кои како и да изиграат летово ќе искешираат добра пара како за нив.

Најдобриот македонски интернационалец сезонава, Енис Барди ги полни насловните страни по европските медиуми откако со два прекрасни гола „ја упропасти“ Барселона синоќа (5:4). Пред почетокот на денешниот тренинг на Леванте, Енис се сретнал со Бедри Салиу, неговиот прв тренер во Шкупи кога почнувал со фудбал.

Во текот на вчерашниот ден се појави веста за драматичен напад во строгиот центар на Скопје, кај ’Рекорд’ каде што неколку млади луѓе нападнале 16-годишно момче и со нож му нанеле повреди. Станува збор за навивачка пресметка со меѓу-етнички призвук.

За време на дербито меѓу Шкупи и Вардар кое Чаирчани го добија 2-0 со два маестрални гола, домашните навивачи извадија парола како одговор на Комитите од пред некој ден.

Вардар изгуби од Шкупи 2-0 и сега заостанува цели 14 бода зад Шкендија која има два меча повеќе од „црвено-црните“ кои денес во Чаир играа на нешто што не личи ни на свињарник.

На првиот меч од осминафиналето на Купот на Македонија Вардар и Шкупи одиграа 1-1 во Ѓорче. Времето дожлдиво, фудбалот стандардно слаб, трибините полупразни и само еден интересен детал.

Старо-новиот кошаркарски лигаш Шкупи синоќа мораше да му честита на Работнички кој убедливо победи 103-85, но мечот го одбележи необичен момент.

„Комити“ сериозно се вратија на сцена по бојкотот пред неколку години а доказ за тоа е и добрата организација за европските мечеви. Имаа добра „шеталица“, неколку запалени строба и фантастично навивање без големи падови.

Фудбалерите на Шкупи и Вардар се сретнаа во дербито на колото во македонскиот шампионат кое мина во знакот на една провокација, идентична како онаа во Белград пред три години кога навивачите се тепаа со играчите.