Просто кажано, ако сакаш да освоиш титула во првенство договори го младиот Французин Кингсли Коман, талентот кој ја освои француската, италијанската и германската лига.

Со две промоции во две сезони, скромниот клуб СПАЛ од градчето Ферара ќе игра во Серија А после цели 49 години! На стадиончето „Паоло Маца“ од татко на син шалот ќе го носат навивачи кои ќе ги гледаат Јуве, Рома, Лацио, Милан, Интер, Наполи...

Тешко дека некој од нив ќе ја освои Златната копачка, но затоа привлекоа внимание, си набија цена, претставуваат страв и трепет, а сигурно ќе добијат и солидни бонуси за сработеното вака за пред летен одмор.

Месец мај освен за освојувањето на титулите носи жестоки битки и на дното од табелите. Ова е ситуацијата во топ 5 лигите во Европа каде освен во Серија А во сите други првенства остануваат уште две кола до крајот. Најголема неизвесност има во Германија и Франција.

Епилогот после голот на Пандев против Интер е за руски роман: Горан беше еден од хероите на триплетата во 2010-та, а синоќа ја продолжи серијата на Интер од пет порази на шест меча. На крајот му се заблагодари на поранешниот клуб и навивачи.

На најавата на играчите пред мечот Милан - Рома, кога спикерот стигна до бројот 10 на гостите, цел стадион стана и со долг аплауз ја поздрави легендата која сезонава завршува со фудбалот. Спалети не го стави во игра и продолжи да тера инает.

Капитенот на македонската репрезентација докажа дека игра во одлична форма особено пред квалификацискиот дуел со Шпанија во јуни. Струмичанецот попладнево влезе во игра во 17’ минута место повредениот Симеоне, а во 70’ минута убаво начека една топка и од прва го матираше Словенецот Хандановиќ за трет гол сезонава.

На 4. октомври 2015 година Јувентус дома ја совлада Болоња со 3-1 и од тогаш до денес, на својот стадион славеше на 33 меча. 880 дена Бјанконерите газеа на „Јувентус Арена“ а вечерва спасуваа бод во 92’ минута преку Игуаин.

Шева на 22 години за Милан, Роналдо на 20 години за Интер, Клосе на 32 години, Балотели на 17 и сите најпознати фудбалери од италијанското првенство кои даваа дебитантски гол на разни стадиони ширум Италија.

Само што ќе помислиш како е можно толку глупаво да се судрат, пак се судираат.

Што е тоа што го нема на трибините во Англија, а е белег на фудбалот во Италија? Убавите кореографии. Без разлика дали сте на стадионот на Јувентус или Салернитана, страствените италијански навивачи знаат во секој град да приредат спектакл кој нема шанси да не го извадите телефонот од џеб за да го овековечите со по некоја фотка. За оваа сезона направија листа од топ 10.

Капитенот на Наполи е единствениот фудбалер во Серија А којшто ги одиграл сите натпревари од минатата сезона и од актуелната. Во Англија таков е ученикот на Сер Алекс Фергусон, а во Шпанија Баскиец од Еибар.

Капитенот на македонската фудбалска репрезентација го постигна првиот гол за Џенова сезонава во ремито 2:2 против Лацио. Струмичанецот ја затресе мрежата на Стракоша во 78’ минута за 2:1. Пандев се израдува прилично многу без разлика што му даде гол на клубот во кој играше неколку сезони.

По неколку месеци стани-пани, Кинезите и Силвио Берлускони го склопија договорот со кој легендарниот ’Берлуска’ заминува од институцијата која што ја направи славна и трофејна. Со него заминува и Галијани.

Со голот на мечот Каљари - Торино, Кванг-Сон Хан стана првиот фудбалер во историјата од Северна Кореја којшто дал гол во една од Топ 5 лигите во Европа и претставник на 35-та земја кој дал гол во Серија А.

Да видиш фудбалер висок „метро и жилет“ како се бори со крупните стопери делува комично. Но на Маурицио Сари и Дрис Мертенс ама баш ич не им делуваше комично, напротив направија експеримент од кој произлезе најдобрата лажна деветка која некогаш играла во Серија А.

Патот на мигрантите често го викаат пат на надежта, пат во потрага по сон кој за жал често се претора во кошмар. По тој пат тргнал и 17-годишниот Сенегалец Мамаду Кулибали.

Денес во најдобрата италијанска лига играат 529 фудбалери од кои дури 168 не биле уште родени кога Франческо Тоти за првпат заигра за Рома. Тоа се случи на денешен ден, 28 март пред 24 години кога Вујадин Бошков го пушти пред крајот од мечот Бреша - Рома (0-2).

За разлика од другите италијански „гранди“, Јувентус манијакално го брка скудетото и ретко кога има право на грешка. Затоа прави најтесен круг од кандидати за нов тренер кои се разгледуваат со месеци. Ниту Дел Нери, Чиро Ферара и Раниери не беа залудно таму.

Не, не е ова уште една статија за тоа колку тренери избркал, туку запознавање со човекот кој Ѕампарини го назначи за нов претседател на Палермо а чии постапки отвораат многу теории дека тој е марионета на човекот кој сака да се спаси од напади после извесно испаѓање од Серија А.

Најталентираниот фудбалер во историјата на Романија е човек за кој би можело да се сними филм кој рутински би ги собрал сите фестивалски награди. Неговиот подем и пад е долг колку патот од пеколот до рајот и назад преку чистилиштето.

Андреа Белоти дава голови со лева, со десна и со глава, и на тој начин е покомплетен дури и од центарфорите кои спаѓаат во категоријата најдобри на светот. Во моментов е прв стрелец во Серија А, а во Европа пред него се само Меси и Кавани.

Речиси сите фудбалски судии имаат своја професија, а судењето им е само тезга во животот. Меѓу нив има комерцијалисти, адвокати, пожарникари, банкари па се до фризери. Ова се сите актуелни судии во Серија А со нивната професија и статистика: на кого му најмногу победи, а на кого порази.

Како што поминуваат годините, вредноста на ретро дресовите од италијанските тимови е сè поголема како и носталгијата за ’90-те години кои ја прославија Серија А.