Со два гола на централниот дефанзивец Матја Калдара, Аталанта оствари историска победа над Наполи на гости и се приближи само на три бода од местото кое води во Лига на шампионите. Илјадници тифози на клубот дојдоа на аеродромот да ги пречекаат јунаците.

По повод полнолетството на најдобриот голман кој Милан го имал во последните неколку години, клупскиот канал реши да го изненади Донарума со честитки од сите најблиски.

Роден е во Неапол и животна желба на италијанскиот репрезентативец му била да игра за тимот од родниот град. Не само што заигра туку и даваше важни голови за пласман во Европа, но никој не знаел дека надвор од теренот поминува низ пекол со морбидни писма за педофилија и уцени.

Полемиката Јуве - Интер по суспензиите од два меча за Икарди и Перишиќ трае веќе 7 дена. Навивачите на Интер решија со шпанската ’пањолада’ (бели марамчиња во знак на протест) да искажат револт од одлуките на дисциплинската комисија на италијанската фудбалска федерација. Делуваше импресивно.

Кротоне е град во јужна Италија а истомениот прволигаш синоќа го пречека шампионот Јувентус. За дуелот владеела хистерија за карти па се снаоѓал кој како знае.

Прилепчанецот има сериозна намера да стане прв стрелец на екипата во Серија А, но вели дека тоа би било џабе ако клубот од Сицилија не се спаси од испаѓање во втора лига за што ќе треба пеколна борба.

Додека вртиш спортски канали и се мислиш што да гледаш, некако први во око ти паѓаат преполните стадиони во Англија и Германија и депресивно сивите полупразни арени во Италија. Зошто е тоа така?

Најдобриот македонски фудбалер во моментов, напаѓачот Илија Несторовски го олади „Сан Паоло“ во Неапол во 6. минута од дуелот и ги доведе гостите во сосема неочекувано водство. Ова е осми гол за Прилепчанецот во Серија А по постот од осум меча без погодок. За Сицилијанците од почеток вечерва игра и Александар Трајковски.

Шампионот Јувентус го совлада Сасуоло на гости со 0:2, но мечот го одбележа моментот кога Алегри реши да го замени Дибала со Марко Пјаца во 75. минута од мечот. Аргентинецот се поздрави со присутните соиграчи, но не и со тренерот кој остана со испружена рака.

Имаме интересни и едноставни табели со историја околу освојувањето и неосвојувањето на титулите во топ 5 европските лиги. Според овие податоци навивачите на Манчестер Јунајтед, Реал Мадрид, Јувентус, Баерн Минхен и Сент Етјен имаат најмногу право да се удараат у груди. Изненадување? Џенова има ист број на освоени Скудета колку Лацио, Рома, Наполи и Фиорентина заедно.

Франк де Бур освои 4 титули по ред со Ајакс во рок од 6 сезони, но кога дојде во Интер го удави клубот во долниот дел од табелата. Неговиот наследник Стефано Пиоли не е некое славно тренерско име ама...

Исто како претходниот понеделник, така и сега имате на тецна еден брз пресек со сите голови од 21. коло во Серија А, со исклучок на таа вечерната од недела. Важни 3 бода за Наполи на тешкото гостување на Меаца, скок на Интер на 5. место и нов пораз за нашите Несторовски и Трајковски. Шампионот продолжува шампионски.

До ден денес не е разјаснета дилемата колку години точно има Тарибо Вест кој во Европа се прослави со смешните шарени плетенки, но и со добрата игра во одбраната за Интер, Милан, Оксер и пред сè Партизан со кој играше во Лигата на шампионите против Реал Мадрид.

За само околу 5 минути ќе може да ги гледате сите голови од 20-то коло од Серија А со исклучок на последниот дуел Фиорентина - Јуве. Сето тоа во само едно видео кое ќе ви биде поинтересно за гледање поради коментаторите кои ја тераат на забава. Ќе го пофалат и нашиот Иле кој асистираше на мечот против Сасуоло.

Со 11 младинци прекомандувани во првиот состав и со дел од оние фудбалери кои ја избегнаа тешката авионска несреќа во Колумбија, Шапекоенсе наскоро ќе ја започне новата сезона во која никој нема големи очекувања и не им поставува притисок.

Секој голман знае дека прв услов да станеш голман е да знаеш добро да паѓаш. Малиот Џиџи научил рефлексно да се фрла и да паѓа зимно време на снег во куќата на чичко му, а на лето постарите сестри го терале да трча со врзани раце по плажа каде ги дерел колената.

Рикардо Орсолини има 18 години и е дете на италијанскиот Асколи. За него се интересираат сите великани од Серија А, а еве и зошто.

Еден доста интересен, атрактивен и богат ретро флеш од Серија А со 9 голови во кои главни протагонисти се двајца актуелни тренери кои важеа за големи стрелци во 90-те.

Листата е куса, ама многу атрактивна, а тој што ја правел и да направел рокада со головите на некои места, немал да погреши. Иако и вака не е лош распоредот.

Завесата се спушти во Италија, Шпанија, Германија и Франција, а Англичаните традиционално ќе играат на денот после католички Божиќ (Boxing Day) и на 1-ви јануари.

Кога ќе кажете италијанското е тапа, не мора баш со толку тешки квалификации. Можеби квалитетот е паднат за разлика од порано, но Серија А си има смој шмек. Италијанското не е само Јувентус, Милан или Интер, туку има и други екипи кои играат убав и отворен фудбал. Синоќа Фиорентина - Наполи 3:3 со 3 убави голови за издвојување.

Рома му гостуваше на Интер во големото дерби на „Џузепе Меаца“ и славеше со 2:3. За водство од 0-2 тогаш Ил Капитано постигна маестрален гол и преку 80.000 луѓе станаа да му аплаудираат.

Кога навивачите на Наполи дознаа дека Полјакот Аркадиуш Милик ќе паузира повеќе од шест месеци, кренаа раце од борбата за скудето. Медиумите шпекулираа со нов напаѓач, а тренерот Сари експериментираше со малиот Белгиец Мертенс во нападот и направи чудо.

Единсон Кавани беше икона кај навивачите на Наполи. Италијанските новинари не престануваа со комплименти за него, а Уругваецот го воодушеви и Диего Марадона. Но во Париз налета на Златан Ибрахимовиќ од чија сенка излезе сезонава.