Странски / локални новинари кои патуваат заедно со украински единици дремат на некој пат во некоја украинска недојдија. Најверојатно на камера ги фаќа некој руски дрон кој им ја пренесува позицијата на околните артилеријци. И една дилема од ова: дали е среќа да падне бомба на пет метри од тебе или несреќа да падне бомба на пет метри од тебе.

Се вика Филип Краутер и цело ова време е сместен во Киев од каде апдејтува околку случувањата на тема Украина и Русија. И тоа не е нешто посебно и веројатно го прават уште десетици новинари. Разликата е што Краутер тоа го прави за 6 различни медиуми, од 6 различни држави на 6 различни јазици.

ЦЈР (Columbia Journalism Review) доаѓа до еден отворен документ на кој американски новинари (од публикации како Њујорк тајмс, Вашингтон пост..) анонимно пишуваат колку пари заработуваат од тоа што го работат. И тие и ние имаме причина за плачење, само по различна основа.

Тестовите не се тривија (која му била прва женска, или што музика слуша), туку ќе се однесуваат на тоа колку новинарите ја разбираат Мислата на Ши Џинпинг, доктрината на кинескиот претседател од 14 точки кои треба да го обележат неговото владеење.

Бугарката Викторија Маринова чие тело беше најдено во парк во Русе е трет новинар од земја членка на ЕУ кој последниве 12 месеци е убиен додека истражувал корупција во ЕУ и проневера на ЕУ фондови.

По традиција меѓу себе играат фан-клубовите и новинарите од земјите кои се сретнаа на Мундијалот. Германските новинари ги совладале шведските колеги 2:1 со победнички гол во последните секунди од мечот - буквално ист како на Крос.

Постојаното искричење меѓу Трамп и медиумите (овој вреска „Лажни вести!“, овие врескаат „Судир на интереси!“) се чини дека е една од досега невидените иновации кои ги донесе негото запоседнување на Белата куќа. Но, еден друг нејзин станар, легендарниот Френклин Делано Рузвелт, на новинарите кои ги сметал за предавници им делел кукасти крстови.

Изнервиран што му се мешаат во оружјето, републикански законодавец изготвил предлог закон со кој истото се бара и за новинари. Кој е без лиценца,  може да биде новинар само по дома.

Германскиот репрезентативец на досетлив начин реши да не арчи време во разговор со новинарите кои го чекаа за изјава. Пасошот го користеше како мобилен телефон и се правеше дека збоува.

Легендарниот тренер на Сан Антонио, Грег Поповиќ е познат по кратките одговори на прашањата, посебно за време на прес конференциите затоа што не сака таков вид на комуникација. Овој пат си поигра со еден новинар, кој на крајот покажа знаци на нервоза.

Во ноември 2012-та, Џејмс Фоли враќајќи се кон Турција застанува во едно интернет кафе во северот на Сирија. Фоли е со својот преведувач и во кафето се задржале околу еден час. Од тука фаќаат такси и тргаат кон турската граница. На сред пат вооружени лица го стопираат таксито и го вадат Фоли. Од тогаш Фоли исчезнува - се до вчера.

Канадската Felice News се претставува како најголемата и најпопуларната медиумска организација за ширење позитивни вести. Толку се позитивни што новинарите, наместо со плата е наградуваат со - да пукне!

Што е најлошо што може да се случи за фрижидер со 500 пива да останае празен за помалку од 3 минути? Спортски новинари на европско првенство во фудбал. На оние снимкине на вести од Сомалија кога носат пченица од УСАИД, има повеќе ред и трпение отколку тука.

По неколку месеци дробење за тоа како Путин ги наместил изборите, како ги задушува медиумите и како генерално автократски владее со Русија, западните медиуми добија шанса да се сретнат на прес со рускиот претседател. И, се стопија пред него.

До сега двајца новинари на Сан се обиделе да извршат самоубиство заради истрагата за хакирање на телефони и подмитување на полицијата.