Премиерлигашот кој во четврток ќе го пречека Интер во Лига Европа реши на своите навивачи да им понуди да гласаат за најубавиот гол во месец октомври. И ништо не би било чудно, освен ако исходот на гласањето не би бил познат од почеток. Нејсе, добар штос.

Буџетот на рускиот Зенит е 165 милиони, а на ирскиот Дандалк 1 милион, но тоа не му сметаше на анонимниот клуб од Ирска да се пласира во Лигата на Европа, да му пркоси на Зенит и таму веќе после три кола да освои четири бода со домашни играчи.

Проработе шутот на најскапиот фудбалер во светот кој беше двоен стрелец вечерва на Олд Трафорд, а гол постигна и нивниот миленик овој пат во друг дрес. Рома за две минути прокоцна водство од 3:1, а Зенит е третата екипа со полн плен по првите три кола во ЛЕ:

Шалке и Шахтјор се првите две екипи со три од три во второто по ранг клуспко европско натпреварување. Гостинските екипи беа поуспешни на натпреварите од 19 часот со четири победи, на три славеа домаќините, а пет меча завршија без победник.

Сасуоло помина најголем дел од историјата во аматерските лиги, но по драматичното кревање сега победуваат некои од најпрестижните европски клубови и го радуваат малиот град.

Децава се од Англија, идол им е Робин ван Перси, а видеото го објави Фенербахче. Разликата е што едниот навива за Фенербахче, а другиот за Манчестер Јунајтед за што Ван Перси не смее да знае. Ако вечерва холандскиот напаѓач постигне гол на средбата од Лига Европа и двајцата ќе се радуваат.

Во денови кога на сцена е клупскиот фудбал во ЛШ и ЛЕ ќе се вратиме назад во носталгичните фудбалски години од крајот на минатиот век кои покажуваат една огромна разлика за тоа каде беа и каде се сега италијанските екипи на мапата на Европа.

Скоро никој да не памети кога капитенот на Манчестер и на Англија бил во послаба форма во кариерата. На Руни не му оди ама баш ништо. Грешно подава, центрира на трета статива без осет а нема волја ниту да ги брка противничките фудбалери. Поради тоа Златан покажа нервоза на мечот од ЛЕ против Зорја.

Додека медиумите во Лига Европа пишуваа за петардите на Зенит, Фиорентина и Краснодар, вториот пораз на Интер и едвај издвојуваната победа на Јунајтед, во Ирска се испишуваше фудбалска историја, каде како што велат насловите играчите се искачиле над месечината.

Вејн Руни влезе во игра во 67-ма минута и по две минути му асистираше на Ибрахимовиќ за 1:0. Тоа е единственото од Манчестер Јунајтед во дуелот против анонимниот украински тим. Зенит и Рома покажаа како се игра дома во Лига Европа.

Во второто коло од второто по ранг клупско европско натпреварување повторно на тапет е тимот на Франк Де Бур кој се соочи со втор пораз. Образот кај италијанските екипи го обели Фиорентина со петарда во голот на Карабах за кој Муарем Муарем одигра половина час. ПАОК е единствен со триумф на гости.

Нуњо Еспирито Санто го освои Купот на УЕФА и Лигата на Шампионите без да заигра кај Жозе Мурињо, но како резервен голман корисно го поминувал времето на клупата и сега после Валенсија го води Порто.

Ако лани беа најголемо изненадување во Европа после Лестер, сезонава играат фудбал кој сигурно ги носи во втората лига. Испаднаа од квалификациите за Лига Европа, а во Премиер лигата досега имаат пет порази (четири по ред) со 16 примени гола. Накратко еве како изгледа нивната сезона досега.

За разлика од мечевите кои се играа од 19 часот кои донесоа 37 голови, стрелците на средбите од 21:00 беа многу помалку расположени и постигнаа 20 голови. Гостинските екипи беа поуспешни и остварија пет победи, за разлика од домаќините кои славеа на три меча.

Макаби Тел Авив имаше 3:0 по 70 минути игра против Зенит, но Русите одиграа 15 историски минути во кои стигнаа до 3:4. Тимот на Мурињо загуби минимално од Феенорд, Рома со бод се враќа од Чешка, а Сасуоло стигна до деби победа во Европа и тоа убедлива.

Алона Баркат, газдарицата на израелскиот клуб Хапоел Бер Шева, им ја донесе титулата на навивачите која што ја чекале од 1975/1976 и ја прекина доминацијата на Макаби Тел Авив.

Тешка група за Мурињо во новата европска авантура. Ван Перси ќе се врати на Олд Трафорд. Рома ќе гостува во Чешка, Австрија и Романија.

Вест Хем втора година по ред испадна од Лига Европа од просечниот романски тим Астра Ѓурѓу. За парадоксот да биде поголем тренерот на овој клуб е суспендиран поради кладење, претседателот им е во затвор, тие се 11-ти во Романија, а клубот немал скршена пара за трансфери. И да, голот им го даде 35-годишен фудбалер.

Од 30 играчи во составот, Сасуоло има само четворица странци и 26 домашни играчи. Како Баскија во мало, италијанскиот клуб обезбеди историско учество групната фаза од Лига Европа.

Иако загубија 2:1 на првиот меч од плејофот за ЛЕ против Гент, фудбалерите на македонскиот вицешампион Шкендија имаат убава подлога за историски успех за седум дена во Скопје. На „Градски“ ќе имаат можност да влезат во ЛЕ.

Единствениот македонскит претставник на меѓународна сцена го избегна опасниот Шахтјор и за противник во плејофот од Лига Европа го доби Гент од Белгија.

„Почитувани гледачи, се јавуваме од арената Филип Втори во Косовска Митровица“. Замислете што би се случило наш коментатор вака да почне пренос на фудбалски натпревар од стадионот Адем Јашари.

Се чини дека по успешниот пат на Работнички лани, сега Шкендија оди успешно во Лигата на Европа. Во случај да го минат Нефчи Баку од Азербејџан, фудбалерите на македонскиот вицешампион во следната рунда ќе играат против чешкиот претставник Млада Болеслав.

Група навивачи на Шкендија се обидоа да се пресметаат со луѓе од управата на Краковија во ВИП ложата на Филип Втори Арената. Целата тензија ја зголемија и гостинските навивачи, околу 400 на број кои скандираа „Косово е Србија“. Балистите возвратија со Shqiperia rise (Голема Албанија). Во 60-та минута, Шкендија води со 2:0 со головите на Бесарт Ибрахими и Бразилецот Стенио Жуниор.