Вардар со 3:1 го победи Пелистер во големото дерби откако даде три гола во првиот дел од мечот. Третиот гол на Тигран Барсегјан е погодок каков долго не сме виделе на домашните терени.

Фудбалерите на ПСЖ минатата сезона остварија рекорд на освојувањето на шампионската титула со најголема бодовна разлика. Во тоа потесно друштво се наоѓа и Вардар благодарение на онаа историска сезона без пораз и со 119 постигнати голови.

Во ситуација кога играат, а и да не играа викендов: Атлетико - Реал, Борусија - Баерн, Милан - Интер, Манчестер Јунајтед- Арсенал и Фенербахче - Галатасарај, читател ни испрати доказ дека најголема тепачка за карти имало за скопското дерби меѓу Вардар и Работнички.

Во вторникот беше тешко да се реши човек кој од трите бомби на Јувентус, Монако и Копенхаген е најубав за око. Но од спортската среда ќе го издвоиме оној од нашата лига од мечот Вардар - Пелистер 1:1. Фелипе и Којашевиќ најверојатно ова го вежбале на тренинг.

На таа ’99-та година се сеќаваме по двомечот на прилепска Победа против Перуџа во Интертото Купот, а ретко кој памети дека во истото натпреварување Цементарница 55 несреќно испадна од рускиот Ростелмаш предводен од Сергеј Андреев, поранешниот тренер на Вардар.

Од вкупно 24 екипи кои учествуваа во квалификации за Лигата на шампионите и Лига Европа, само еден клуб успеа да влезе во фазата по групи. Време ли е за Јадранска лига?

На 53 годишнината од катастрофалниот земјотрес кој го погоди Скопје, ќе ве потсетиме на еден од незаборавните и најтешките преноси кој го вршел доајенот на радио репортерството, Ивко Панговски.

Фудбалерите на Вардар покажаа заби на реванш квалификацискиот дуел од Лигата на шампионите и на два пати имаа водство, но со двата пенали за кои сами се виновни, не успеаа да направат сензација и да го елиминираат Динамо Загреб.

Двомечот од квалификациите за ЛШ меѓу Динамо З. и Вардар ги присети актерите на некои други времиња и донесе неколку необични моменти. Како на пример тоа дека десната рака на тренерот на „Модрите" има и друга професија.

Среќата на овосезонската ждрепка за квалификациите за ЛШ очигледно доцна стигна за Вардарци кои ќе треба да направат чудо во Загреб за во следната фаза додат до полесен противник и да обезбедат евентуална Лига на Европа.

Актуелниот шампион на Македонија ги демантираше натписите за незаборавната вечер која сопственикот на Вардар, Сергеј Самсоненко им ја приредил на Хрватите.

Газдата на Вардар пееше песни од Тоше и Чолиќ, настрадаа 50 чинии во грчки стил, а инаку вложува 15 милиони евра годишно во сите клубови на Вардар. Да ги дигнеме на нозе сите ресторани во Загреб и сите тамбураши, не можеме да ги дочекаме вака, пишува Спортске новости.

Вардар имаше вкупно 17 удари од кои 4 во рамки на гол (пречка и две стативи). Динамо Загреб вкупно 18 од кои само еден во рамки на гол. Голема штета што со таа игра и шанси не успеавме да извадиме барем нерешено против најсилниот тим на балканот. Инаку Србите имаа тв преноси од 4 свои претставници во Европа (Црвена Ѕвезда, Партизан, Чукарички и Војводина), а ние ниту еден, па бујрум за тие што не беа на стадион.

Македонскиот шампион немаше среќа на првиот квалификациски дуел за Лигата на шампионите. Пропушти многу шанси, особено во вториот дел, а тоа скапо ќе ги чини бидејќи во Загреб ќе патуваат со негатива од 1:2.

Квалификацискиот дуел за ЛШ меѓу Вардар и Динамо Загреб ги врати Хрватите во 1958-ма и 1982-ра бидејќи во тие две години титулите во југословенското првенство ги освојуваа во Скопје. Мечот од 82-ра го опишуваат како улична борба.

На последниот тренинг пред дуелот со Динамо Загреб во 2. коло од квалификациите за Лигата на шампионите, Комити вечерва на теренот во Хиподром (Динамо тренираше на Филип Втори Арената) со песна и бакљи ги мотивираа фудбалерите да „гинат на утрешниот меч“.

Капитенот на Вардар, Грнчаров изјави дека без разлика што Динамо е фаворит на хартија, тие ќе се обидат да го демантираат тоа на теренот. Динамо доаѓа во полн состав, со репрезентативците.

Освен по ривалството во бивша Југославија, дуелот меѓу Динамо Загреб и Вардар не наведува да го гледаме и низ призма на инцидентите на ЕП 2016 каде учесници беа неколку хрватски хулигани меѓу кои се верува дека има и поддржувачи на Динамо, а противници на Мамиќ.

Македонскиот шампион ќе ја започне европската авантура од 2. коло против еден од најтешките противници, хрватскиот првак Динамо Загреб. Скопјани четврти пат во последните пет години ќе се обидат да стигнат до целта.

Со триумфот над Шкупи од 2:0, црвено црните на едно коло до крајот на сезоната се на 5 бода пред Шкендија и со тоа стигнаа до својата јубилејна 10-та шампионска титула во својата историја. Поради казната од ФФМ, мечот го играа во Пробиштип од каде почна славјето.

На површина од 1.152m2 во кој се сместени 6 соблекувални за децата и тренерите, простор за видео презентации, администатиен простор и други помошни простории, ФК Вардар ја претстави фудбалската академија сместена до арената Филип Втори во која професионално тренираат 400 деца. Како компарација од Вардар велат дека најблиску до оваа академија од ваков тим во регионов е онаа на Партизан. Убаво.

Македонски фудбал, прва лига. Датум: 10 април 2016-та. Локација: Кратово. Фудбалерите на Силекс го победија лидерот на табелата Вардар со 3:2, но тоа што изненадија со резултатот не е толку интересно колку што изненадија со начинот на славјето кое не е видено до сега во Македонија, освен на улица.

Левски и ЦСКА Софија се соочија со порази од Вардар во Балканика купот одигран во Сандански за играчи од генерацијата 2004-та. Иднината на Вардар ја води нивниот легендарен голман, Слободан Мутибариќ кој беше дел од шампионскиот тим на Југославија 1987 година. Децата со препознатливата песна на Комити им упатија поздрав од Бугарија.

Најтрофејниот фудбалски клуб во Македонија има многу мотиви за пролетниот дел од сезоната. Откако во клубот конечно дувнаа позитивни ветришта со нов газда, инвестиции, стабилност и модерен тренинг камп, на пролет може да стигне до голем историски јубилеј.