Челси едвај, на пенали го совлада Норич на реваншот од англискиот ФА Куп откако првиот меч заврши 0-0, а вториот 1-1. Во 121’ минута од судиското продолжение Мората доби црвен картон поради глума, па еден бесен навивач влезе на терен да се пресмета со судијата. Тогаш Швајцарецот од Норвич Тим Клосе му најде нешто по пат и му го врати.

Нема љубител на англискиот фудбал а да не ги засакал или одвреме-навреме испеал „You’ll never walk alone“ и „I forever blowing bubbles“, а посебно песната на Ирците за огнениот Вил Григ, но сега има нешто ново на сцената.

Британските ригорозни закони кои ги донесе „челичната лејди“ Маргарет Тачер ги стокми трибините пиц-пец. Нема веќе скршени крвави глави на фудбал, ама па затоа има новокомпонирани навивачи кои знаат само за селфи на Инстаграм.

Навивачите на Тотенхем ги бие глас дека се склони на проблеми, а синоќа на гостувањето кај Лестер во еден момент скандираа "She's getting fucked in the jungle" алудирајќи на сопругата на Џејми Варди, Ребека (35) која што учествува во едно реално шоу In The Jungle. Секунди потоа Варди го отвори резултатот кој на крај гласеше 2:1 за домаќинот.

Најгледаниот филм за навивачи во светот го создала шампионка по карате која што редовно била присутна на дружбите и акциите на фудбалските хулигани.

Колку треба да си малоумоен или направен тиква за да се измочаш во чаша и да ја фрлиш во публика? Одговор на тоа треба да го даде овој навивач на Тотенхем кој ги гаѓаше навивачите на Вест Хем.

9 годишен навивач на Хадерсфилд направи потег со кој ги воодушеви навивачите во Премиер лигата, клубот за кој навива и ѕвездата на тимот кој веднаш доби желба да се сретне со него.

Англискиот закон за спречување насилство на спортски манифестации е најпознат во цел свет. Кај нив нема „Го знам Петко ќе ми ја скине кривичната“.

Или стварно е глуп по природа или испил 9 кригли пиво па отишол на стадион. Фудбалерите на Евертон и Лион се срчкаа, а тој зема да се меша со дете во раце. Цреп.

Четвртата лига во Англија не е како кај нас со ливади и крави. Таму навивачите трошат енергија и пари за своите омилени клубови и ги бодрат како луди. Ковентри Сити кој е осми на табела, загуби на домашен терен од претпоследниот Форест Грин Роверс поради голманска грешка. Навивачов тоа го поднесе како да е смак света и се прошета на терен како на кванташки.

Навивачите на Вест Хем имаат нов идол во Мексиканецот Хавиер Ернандез - Чичарито па му посветија една песна преработена од хитот Ла Бамба.

Сторијата за Рој Лернер, 47-годишен Англичанец го обиколи светот. За време на атентатот во Лондон кога терористите мафтале со долги ножеви, им застанал сам со голи раце.

Дека фудбалот на Островот е религија покажаа и навивачите на новиот освојувач на Лига Европа. Прво достоинствено и мирно оддадоа почит и изразија сочуство кон роднините и пријателите на загинатите од терористичкиот напад, а потоа искрено му се израдуваа на пехарот што никогаш не го освоиле.

Фудбалерите на Арсенал и Лестер 86 минути се мачеа да постигнат гол пред четири дена и на еден навивач на Топџиите му дојде преку глава и си го извади телефонот за да најде друга занимација. Тој што седеше над него го сликна, го твитна, а потоа уследија 2.200 ретвитови. Овој навивач беше единствениот кој виде “гол“ пред Лестер да си постигне автогол.

Познат руски пратеник даде необично решение за проблемите на земјата со фудбалскиот хулиганизам во пресрет на Мундијалот наредната година. Легализација за тепачките.

Иако Мурињо сакаше да им се падне АПОЕЛ, па да играат во топлата и сончева Никозија, на крај им го извлекоа студениот Ростов во Русија.

Барнли е тврд орев сезонава што покажа и денес со ремито од 1-1 против лидерот Челси, Мечот по освоениот бод, еден мал навивач на Барнли ќе го памети и по тоа што татко му го спаси од една топка која силно одеше во него.

На денешен ден пред 22 години еден од најдобрите француски фудбалери во историјата, доби црвен картон и откако беше испровоциран од навивачот на Кристал Палас Метју Симонс, реши да го удри со силен Кунг-фу удар. Јунајтед го суспендираше 28-годишниот Кантона до крајот на сезоната и го казни со 20.000 фунти.

Џим Бентли, тренерот на Морекомб после декемврискиот домашен меч од ФА Купот добил суспензија од два меча и казна од 750 фунти. По мислењето на ФА, Бентли често го напуштал техничкиот простор и ги загрозувал противниците и судијата кој му дал црвен картон во 39’ минута. Навивачите после сè не го оставија на цедило и собрале 1.000 фунти коишто синоќа му ги дале за казната после триумфот од 4:1 во првенството.

На една позната навивачка мелодија, на мечот против Сити додека нивниот тим ја имаше топката навивачите на ВБА пееја: "We've got the ball", а кога противникот ќе им ја земеше пееја "We've lost the ball". Како тоа добро звучи.

Со цел подоро да се изборат за своите позиции, организираните навивачки групи во Британија би требало да почнат да ги следат ултрас движењата. Така би можеле да ја победат комерцијализацијата во фудбалот која е виновна за претерано скапите карти.

Нема фудбалер на ова Европско првенство кој може вака да покоси двајца. За англискиот навивач џабе е и црвен картон за овој груб и безобразен старт врз двајцата невини жртви.

Редарот на теренот до трибините им заличил на популарниот пеач Ед Ширан, па неколку навивачи на рагби тимот Мунстер му го запеаа големиот хит Thinking out loud.

Омразата град-град, клуб-клуб, навивачи-навивачи меѓу Ливерпул и Манчестер Јунајтед е толку голема што ретко кога нивните дуели минуваат без инциденти. По голот на Кутињо синоќа, гостите запалија бакља (редок случај на Островот), а во еден момент неколку навивачи на Ливерпул влегле со нивно знаме на трибината каде стојат домашните навивачи по што изби тепачка која траеше 5 минути.