Дајте му ги овие 5 фунти на Арон бидејќи беше најдобар против Манчестер

9 годишен навивач на Хадерсфилд направи потег со кој ги воодушеви навивачите во Премиер лигата, клубот за кој навива и ѕвездата на тимот кој веднаш доби желба да се сретне со него.

Навивачот испрати писмо до клубот и го адресираше до Шон Џарвис, еден од директорите на Хадерсфилд.
„Почитуван Шон. Бев на натпреварот Хадерсфилд - Манчестер Јунајтед и најдов 5 фунти на стадион кои веднаш му ги дадов на тато, бидејќи не можете да го задржите она што не е ваше. Може ли да го прашате Господинот Вагнер (тренерот на Хадерсфилд), дали ќе може парите да ги задржи Арон Муи, бидејќи одигра најдобро против Манчестер Јунајтед и постигна гол. Тие 5 фунти ги ставив во пликот. Ви благодарам“, напиша малиот Адам.
Со овој потег тој ги стопи срцата на навивачите, го сврте целото внимание на медиумите, а Арон, инаку репрезентативец на Австралија, веднаш се огласи дека сака да се сретне со него.
 
Победата против Манчестер Јунајтед е прва по 65 години за дебитантот во новоформирана Премиер лига, а вакви фудбалски приказни во кои навивачите се во преден план, обично се случуваат во помалите клубови во Англија.
25 октомври 2017 - 12:28

Штета ако сте пропуштиле

Каков секс нуди Бугарија?

Луѓето се преглупи за демократија

Сноуден: Државната шпионажа го презема интернетот

ВМРО Интимна