Многу навивачки групи периодов ја поддржаа Украина и ги осудија нападите на Путин. Некои им удрија контра со анти НАТО пароли за нападите во Србија. Бугариве па Трамп го бараат назад. Секој со своето.

Во првото коло од азиската Лига на шампиони малезискиот Џохор Дарул го разбива кинескиот Гвангжу Евергранде кој за некое чудо нема ама баш ниту еден странски фудбалер во составот а има и кинески тренер. После првиот дел Малезијците водат 3-0 а гостинскиот голман Липан Хе си даде и смешен автогол.

Тренер со толкава слава и успеси кои повлекуваат силно его и суета е просто неверојатно да признае вакво нешто за себе и да ја истакне способноста на колега, во случајов Марсело Биелса.

Спортскиот директор на Шахтјор Доњецк покажа во каква состојба е стадионот на ФК Десна од Черинхив кој има, односно имаше капацитет да собере 12.000 гледачи, а е изграден во 1936-та. Ова беше дом и на женската фудбалската репрезентација на Украина.

Се сеќавате ли кога последен пат во финишот на сезоната во Италија во игра за титулата биле три-четири екипи?

За време на вториот меч од финалето на плејофот во женската кошаркарска лига на Црна Гора меѓу Подгорица и Будуќност (50:71), Виолета Лазаревиќ во 14’ минута се спремала да изведе слободни фрлања. Во еден момент ѝ приоѓа судијата Стефан Вуковиќ со предлог.

Претседателот на Барселона Жоан Лапорта и тренерот Чави после поразот и испаѓањето од Ајнтрахт Франкфурт на домашен терен 2:3, не можеа да се начудат како преку 30.000 навивачи на германскиот клуб стигнале до карта за „Камп Ноу“. Како од вчера да организираат натпревари и не знаат дека во слободна продажба секој е слободен да си купи карта за која било друга трибина.

13 кратниот украински првак ја продолжува турнејата за мир во Украина, а на синоќешниот меч му даде шанса на дете кое доживеа момент кој цел живот ќе го памети.

Мајор Генерал Абдулазиз Абдула Ал Ансари, човек задолжен за безбедноста и сигурноста за време на Светското првенство во Катар претстојнава зима од ноември до декември, вели дека тој е против промоција на ЛГБТ и какви било политички активности.

Ај што е подивен со голови и има импресивна бројка од 125 комада откако Роналдо си замина од Реал, туку и се враќа, брка, разигрува, асистира и им ги црта акциите. Хет-трик против ПСЖ, па хет-трик против Челси и на крај гол во продолженија на реваншот против европските прваци. Мали, слушај ваму сега како ќе ги елиминираме.

Навивачите на Ајнтрахт Франкфурт не знаат да одат на гостување со 2, 5 или 10.000 навивачи. Царевите одат со неверојатна цифра од над 30.000, која ја достигнуваат не на меч во Германија, туку во друга земја. Кортеото кое направија на улиците во Барселона е да може да поминат они и никој друг. Па Св.Николе според последниот попис има околу 15.000 жители.

Ајнтрахт Франкфурт и го нанесе првиот пораз на Барселона после извонредната серија од 15 меча и ја елиминираше од ЛЕ. Мечот заврши 2:3, а каталонците двата гола ги дадоа во судиското продолжение. Имаме две голчишта за издвојување, оние на Рафаел Сантос Боре и Серхио Бускетс.

Навивачката група Фемили Аеродром одбележува 25 години од своето постоење. Јубилеј кој го прославија со бакљи од железничка станица по цел булевар. Славјето ќе продолжи вечерва во Јане Сандански, бидејќи од 21 часот МЗТ игра полуфинале од завршниот турнир во АБА 2 лигата.

Во првото коло од Купот на Аргентина, Расинг де Кордоба и Сан Лоренцо одиграа 1-1 па се прејде на пенали. Третолигашот Расинг победи во пенал-рулетот против познатиот прволигаш а најјак момент беше пеналот на Емануел Хименез кој буквално ја пробуши мрежата.

Жозе Мурињо цел живот ќе го памети норвешкиот клуб Бодо/Глимт, симпатична екипа од северна Норвешка од која на 3 средби доживеа 2 порази. Првиот беше историска бламажа за Рома, дебакл од 6-1, а изгубија повторно минатата недела во четвртфинале на Лига Конференции 2-1 на гости. Вечерва играат реванш.

Бенфика го загуби првиот меч 1-3 од Ливерпул во 1/4 финале на Лига на шампиони па на реваншот отиде да се надигрува. Одиграа сјаен дуел кој заврши 3-3 а навивачите кои допатуваа до „Енфилд“ со песна ги поздравија милениците.

И Јужна Кореја има свој Трајковски. Ѕвезди како Тоти, Виери, Дел Пјеро и компанија ги елиминираше на СП во нокаут фаза. Голема болка на Италијанците стара 20 години.

Рено Марко по сè изгледа живее за фудбал и ептен го бива за пренесување навивачка атмосфера од лице мести. После Порто каде се измеша со нашите, енергијата на навивачите ни ја носи на тацна од Ванда Петрополитано. Одлично спакувано.

На два меча, головите за победа паѓаа во 96-тата минута, а на друг во 98-та минута. На мечот пак во Италија меѓу Модена и Имолезе, победничкиот гол е постигнат од голманот и тоа од 80 метри, во 91-та минута од мечот.

На натпревар од MIC Купот, меѓународен младински турнир во Каталонија игра и тимот на Манчестер Јунајтед У-12. Во составот кај нив е и син му на Кристијано, Роналдо Јуниор кој постигна гол и повтори погодете чија прослава.

Македонските навивачи многу пријатно ги изненадија и ракометарите и сите оние кои од Македонија го следеа мечот со Чешка. Во Злин ечеше македонска песна и се виореа македонски знамиња. Нашите навивачи беа речиси побројни од домашните а голем удел во тоа има македонската дијаспора од Европа.

Македонските ракометари го одиграа можеби најдобриот натпревар во последните години, но за жал на крајот од готово направија вересија, па наместо со убедлива предност, од Чешка се враќаат со реми 24-24. Речиси во текот на целиот меч имавме апсолутна доминација над Чесите а доказ за тоа се и атрактивните цепелини, дури четири колку што сме немале никогаш на еден натпревар.

Ѕвездата на Шарлот Хорнетс, Мајлс Бриџис за 30 минути во поразот од Атланта Хокс 132-103 постигна 12 поени со по 4 асистенции и скока. Судиите во еден момент му досудија повеќе технички грешки поради што беше исклучен и мораше да го напушти паркетот. А во тунелот таму одговори на навивачки провокации и гаѓаше еден навивач со заштитната вилица за заби.

Антонио Тото Ди Натале беше права легенда на италијанскиот фудбал, Франческо Тоти за Удинезе. Во црно-белиот дрес одигра 385 меча и постигна 191 гол. Бешеи репрезентативец на Италија со која стана вицешампион на Европско првенство 2012. Две сезони беше најдобар стрелец во Серија А и еднаш фудбалер на годината во 2010-та. Во моментов е тренер на третолигашот Карарезе.