Лево Владимир Југовиќ, десно Ален Бокшиќ. Легенди на едно незаборавно време. Се враќаат од Токио, после освојување на Интерконтиненталниот Куп 1996.

Фудбалската федерација на Македонија во понеделникот ги пушти во продажба влезниците за мечот меѓу Македонија и Англија закажан за 20-ти ноември.

На стадионот „Роѓени“ во Мостар синоќа се одиграло градското дерби меѓу Вележ и Зрињски. За едните навива воглавно босанската етничка заедница во градот за другите хрватската. Мечот поминал во напната атмосфера, домаќините на крајот победиле со 3-0 но натпреварот бил неколку пати прекинуван. Еднаш поради тоа што домашните навивачи извадиле знаме на кое биле исцртани симболи на кукаст крст, усташки симболи и Давидова ѕвезда па после знакот еднакво е нацртан машки полов орган.

Гремио со пораз дома од Коринтијанс 0-1 како да се предаде во трката за титулата. Гремио е трет со 59 бода, Ботафого е втор со 60 бода а Палмеирас прв со 62 бода. Во триумфот на Коринтијанс на гости интересен момент имаше во 75’ минута кога гостинскиот голман Касио пропушти една топка од индиректен удар да влезе во голот зошто правилото вели дека од индирект нема погодок директно во мрежа.

„Многу Италијанци мислат дека за Лацио навиваме поради Пандев, а ние им објаснуваме дека страста потекнува уште од времето на Крањоти, за кој имаме тазе анегдота и тоа во кафулето кое го посетува секоја недела, а во кое седевме ден после победата“.

Ова ќе му дојде нешто како привремена тетоважа која уште на прво туширање ќе оди во историјата.

Интер продолжи со победничкиот марш. Во неделата го совладаа Фрозиноне 2:0 а еден од головите го даде бекот Федерико Димарко. Неверојатно ефектен погодок кој е најубав на колото во цела Европа.

На мечот меѓу Западен Сиднеј и Перт Глори (2:0), домашниот играч Тејт Расел шутира со сета сила во противничкиот гол а таму зад линијата стои неговиот соиграч Брендон Борели. За нивна среќа голот бил признат.

Во бараж мечот за пласман во најдобрат ирска лига, Ватерфорд го победил Корк Сити со 2-1 после пресврт а најубавиот гол на месецот го постигнал Конор Парсонс.

На Тони Симиќ на времето му замеруваа бидејќи како центар шутирал многу тројки. Ќе се најде ли јунак што ќе му замери на Никола? Погледнете го што прави на тренинг и внимавајте добро. Една со лева рака ќе ја даде, а деснак е.

И покрај тоа што склопи ѕвезден тим од неколку големи имиња, ЛА Клиперс никако да „кликне“. Синоќа изгубија 105-101 од Мемфис Гризлис и тоа им е шести пораз сезонава, трет откако Џејмс Харден го засили тимот од Лос Анџелес.

За оние кои не знаат, Џонџо Шелви игра за турски Ризеспор. Иако делува дека е ветеран со оглед на годините поминати во англискиот фудбал, Шелви има 31 и игра во одлична форма. Доказ за тоа е еден еврогол што постигнал на мечот против Истанбулспор во 5’ минута. Победнички.

Во уште една богата НБА вечер, шампионот Денвер Нагетс изгуби 107:104 од Хјустон Рокетс. Никола Јокиќ го запиша 109-от трипл-дабл во кариерата. Постигна 36 поени, 21 скок и 11 асистенции. Покрај него Портер постигна 25 поени, Гордон 16 а Џексон 14 поени. Кај Нагетс потфрли клупата. Хјустон Рокитс до шестиот триумф по ред ги водеа Фред ВанВлет со 26 поени и Алперен Шенгун со 23 поени, 8 скока и 5 асистенции.

Во три часа игра Новак Ѓоковиќ на многу потежок начин од очекувањата го победи младиот Данец Холгер Руне со 2-1 во сетови на АТП финалните дуели во Торино. Новак го доби првиот сет но Руне израмни на 1:1 и покажа дека ќе биде тврд орев. На крајот Ѓоковиќ го крена темпото на игра и го освои третиот сет 6:3 за прв триумф во Торино.

Иван Ракитиќ е специјалист за ракети. Пред само две недели распали против Кадиз и сега пак против Бетис. И во двата наврати ја спасува Севиља од пораз. Страшен гол.

Интер го совлада Фрозиноне со 2:0 во 12. коло од Серија А и остана лидер на табела. Цела Италија зборува за голчиштето на Федерико Димарко на кој му измерија дека успеал да го лобува голманот од точно 56 метри.

Со по два гола на Бразилците и еден на Карвахал, Реал Мадрид со 5-1 ја растури Валенсија и задржи чекор со водечката Жирона која исто славеше на гости кај Рајо Ваљекано со 1-2. На „Сантијаго Бернабеу“ синоќа Родриго покажа раскошна техника а Винисиус даде гол со гради.

Во една од најголемите европски трки за титула стриктно со три клуба, сега изненадно се вмешува и четврти. Од нигде никаде би се рекло малата Жирона има 10 победи и е прва во шпанска Ла Лига. Како?

Додека животот му го посвети на тенисот за да стигне до рекордни 24 Гренд слем титули и вкупно 97 трофеи, Ѓоковиќ успеал да најде време и да стане полиглота. Зборува англиски, шпански, италијански, германски, француски и по малку кинески.

На стадионот на Борусија Дортмунд тешко се стига до карта, особено за Лига на шампиони на меч против премиерлигаш од каде и меѓу гостите е тепачка за место. Чаре? Треба да ја погодиш маската.

Група ирски навивачи еднаш на некое гостување се собрале пред бутик на Викторија Сикрет.

Грчкиот репрезентативец стана прв играч во историјата на НБА кој покрај 50+ поени на еден натпревар имал уште и 12 скока. Јанис Антетокумбо на мечот кој неговиот Милвоки Бакс го загуби од Индијана Пејсерс 126:124 за 37 минути постигна 54 поени (19/25 од игра) и беше на поен од неговиот личен рекорд во НБА кариерата. Имаше дабл дабл учинок со 12 скока.

Француски Тулуз е едно од најпријатните изненадувања во Лига Европа. Имаат 7 бода и се на второ место во група со Ливерпул, Унион Сен Жило и ЛАСК Линц. Синоќа со 3-2 ги совладаа црвените и тоа им е еден од најголемите историски триумфи во еврокуповите. 

Се вика Нестори Иранкунда. Доаѓа од Танзанија. Роден е на 9 февруари 2006-та година како четврто од седум деца на неговите родители Гидеон и Дафроза во градот Кигома во оваа јужно-африканска земја. Бегаат од цивилна војна и се селат во Перт во Западна Австралија, пред да се преселат во предградие на Аделаиде во Јужна Австралија. Таму почнува да игра фудбал и стигнува до првиот тим на Аделаиде.