Статистичарите на Баерн и Бундеслигата, имаат и допрва ќе имаат полни раце работа со Хари Кејн. Преклани го купија, а му фалат уште два гола за јубилејни 100. Страшно нешто.

На натпреварот Монако - Мец домаќините победија 5-2 а еден од головите беше автогол на гостинскиот играч Кофи Куае. Да пробува пак не може пак да ја чушне така топката. И на дуелот Еибар - Реал Сосиедад Б кој заврши 2-1, гостинскиот фудбалер Џон Балда си дал ефектен автогол.

Навивач на Рома очигледно ја згрешил улицата и влетал во погрешна зона во очи на римското дерби. Се играше во глупав термин од 12:30, за да се избегнат навечер инциденти. Но Рим е голем и невозможно е полицијата да има контрола насекаде.

62-годишниот легендарен тренер се врати во својата Португалија. Тој во 2000-та година краток период бил тренер на Бенфика кога ги водел на 11 натпревари но кога се сменила управата и дошла нова, и тој добил отказ. Сега после цели 25 години се враќа на „Луж“. „Моето ветување е дека јас ќе живеам за Бенфика, моја животна мисија. Ова е гигант од клуб“, рекол Жозе на претставување.

Ја гледавте ли машката штафета на Светското првенство во атлетика во Токио? Еден води, втор напаѓа, а трет победи. Државен празник им прогласи Претседателот на државата.

Навивачите на Барса трпеливо чекаат нивниот дом да биде освежен, уреден и да може пак да се вратат на „Камп Ноу“. Легендарниот стадион се реновира а се одложија неколку датуми за отворање. Сега последна вест е дека Барса ќе заигра таму во неделиве кои доаѓаат: дали против Реал Сосиедад во Ла Лига, дали против Џирона на 18-ти октомври... Со делумно отворање на трибини не на цел стадион поради безбедност.

На денешен ден пред 10 години, на 22-ри септември 2015-та, полскиот центарфор Левандовски во дрес на Баерн на дуел против Волфсбург во германската Бундеслига постигна 5 комада во рок од 51' минута до 60-та. А пазете: на полувреме гостите водеа 0-1 и имаа 100% шанса за дуплирање на предноста.

Гвардиола знае да изненади и да биде комедии и на прес и на натпревар. Не му беше баш пријатно на судијата и гледаше што побрзо да му ја кидне.

Мајтапот што го тераат по британските стадиони го нема никаде на друго место. Хумор на највисоко ниво.

Натпреварот од фудбалската лига на Хонг Конг меѓу Ковлун Сити и Шам Шуи По си терал како да на теренот немало обилен дожд, град и грмотевици пратени со силно невреме. Вакви услови за фудбал имало и во саботата на дуелот Блекбурн Роверс - Ипсвич Таун па судијата и делегатите го одложиле.

Фудбалерот од средниот ред на Лацио Гендузи на градското дерби со Рома добил црвен картон надвор од теренот по крајот од натпреварот. А претходно играше на терен и се посрамоти со еден обид да изглуми фаул.

Барселона го совлада Хетафе со 3:0. Рашфорд му асистираше на Олмо за третиот гол, а во еден момент демонстрираше и страшна желба и способност за игра во одбрана и тоа на добиен меч, на 5 минути до крај.

Со двата гола на Феран Торес во прво и еден на Дани Олмо во второ полувреме, Барселона лесно се справи со Хетафе (3:0). Го издвојуваме првиот гол на мечот режиран од триото Рафиња - Олмо - Торес. Фантазија и атракција во три потези.

Битола синоќа сјаеше во боите на Пелистер. Навивачката група Чкембари прослави 40 години од своето постоење. Шоуто се одвиваше покрај реката Драгор со пиротехничко шоу во должина од 2 км.

Тенискиот Лејвер Куп е забава за гледачите во Сан Франциско, каде тимот на светот трета година по ред слави против тимот на Европа. Атракцијата број 1 на мечот ја имаше Карлос Алкараз на кој му се поклонија за поенов.

Вардар и Работнички го одиграа јубилејното скопско дерби број 100. Славеа црвено-црните со 3:1, а главната улога на Градски ја имаа Комити кои блеснаа со нова, досега невидена кореографија во мак фудбалот. Го формираа бројот 1987-ма, годината во која се формирани како навивачка група со парола: „Строј, а не број!“.

Имаа Манчестер Сити и Пеп Гвардиола водство на тешкото гостување кај Арсенал од 9-та до 93-та минута но на крај „топџиите“ спасија бод. Нововлезениот резервист Габриел Мартинели влезе во 83' минута а во 90+3' во судиско продолжение постигна прекрасен гол за поделба на бодовите.

Рома го победи Лацио кој беше номинален домаќин попладнево на „Олимпико“ во Рим во првото римско вечно дерби играно во таков необичен термин од 12:30 часот. Рома славеше 0:1 со гол на капитенот Лоренцо Пелегрини кој прецизно шутираше од далечина во 38' минута на додавање на Матијас Суле. Во финишот на мечот фудбалерите на Лацио ги изгубија нервите па заслужено добија два црвени картони во рок од десет минути, прво Балајан а после Матео Гендузи надвор од теренот.

Реал Мадрид славеше против Еспањол со 2:0 (без пенал) и со тоа го одржа перфектниот скор кој сега им е 5 од 5. Килијан Мбапе и Едер Милитао се отворија од далеку, посебно Бразилецот кој испрати проектил за сите пари.

Бојан Миовски ја начна мрежата во дресот на Глазгов Ренџерс. Македонскиот напаѓач се израдува на деби голот за шкотскиот гигант на мечот против Хиберниан, во четвртфиналето од Лига купот кој заврши 2:0.

Во просториите на стадионот на Црвена звезда „Рајко Митиќ“ за време на комеморацијата за прерано починатиот некогашен капитен на Звезда Дејан Миловановиќ, на Бошко Ѓуровски му се слоши и ненадејно падна на подиумот. Сите присутни брзо реагираа а српските медиуми пренесуваат дека тој е добро и дека се опоравил.

Легендарниот германски тренер на еден јавен настан каде бил гостин разговарал со деца фудбалери. Кога едно дете му кажало дека навива за Манчестер Јунајтед, Клоп се изнасмеал и му рекол: „Па ти бре шест години гледаш сра*е фудбал!“

Жоао Фонсека е тенисер од Бразил, роден 2006-та, година во која неговиот идол Роџер Федерер го славеше четвртиот Гренд слем на Вимблдон по ред. Возбудата дека за прв пат ќе се сретне со него му ја кажа уште одма.

Мануел Ноер е познат по тоа што сака да води топка до центар. На Рожерио Сени слабост му беа головите. Овој има некоја трета жичка.