Тиери Анри вртеше, пустеше за да дојде до одговор од каде го измисли тој негов шут вреден пласман во финале. Давиде му објасни кратко и јасно по што настана колективна смеа.

Тешко се сумира вакво утакмичиште во едно видео или текст. Историјата веројатно и не памети двобој со два меча кои завршиле 3:3 во регуларен дел. Ако треба да се избере јунак на Интер, тоа сигурно е Јан Зомер. 36 годишниот Швајцарец правеше чуда на голот. Можеби ова е најголемото, кога сите ја видоа топката во гол. Слушнете го како врисна вториот коментатор. Ракија му ставале на грлото пред спиење.

Пред крајот на првиот дел на теренот настана голема гужва. Франческо Ачерби жестоко викаше и протестираше кај судијата и никому не му беше јасно зошто прави тензија во моментот кога имаат 2-0 пред полувреме. Ама тој да ти имал причина: стоперот на Барселона Ињиго Мартинез го плукнал.

Интер стигна до ново големо европско финале на Лига на шампиони откако играше во 2022 против Манчестер Сити. Тимот предводен од сјајниот тренер Симоне Инзаги ѝ даде 7 гола на Барселона во два натпревари и покажа дека има неверојатно силен карактер. Секој играч беше над своето ниво, а особено луди одбрани имаше голманот Јан Зомер кој го спасуваше Интер во неколку наврати.

Група симпатизери на Интер пред време, додека Барселона водеше 2:3 пред крајот решиле да си одат порано од стадионот. Не верувале што може да се случи. Кога Франческо Ачерби постигна луд гол во 93-та минута, трчале да се вратат ама...

Интер и Барселона одиграа два натпревари во рок од неколку дена кои ќе се паметат уште многу долго. Нераѕурите исто како и на првиот дуел поведоа со убедливи 2-0, Барселона се врати и направи целосен пресврт во вториот дел за да Интер израмни со гол во 90+3' и да се избори за продолженија. А таму Давиде Фратези го постигна најважниот гол во кариерата! За 4:3 и за ново финале на ЛШ за Интер.

Во драма каква што може да режираат само најголемите режисери на сите времиња, Интер ја совлада Барселона со 4:3 во продолженија и се пласираше во големото финале на Лига на шампиони!

Фудбалскиот празник во ЛШ меѓу Интер и Барселона, ни го расипаа пацери од Гевгелија кои треба под итно да ги избркаат од овој спорт. Башкими води жестока битка за влез во прва лига и за тоа доби помош од фудбалерите на Кожуф, кои им подарија победа од 1:2 со срамен гол во последните мигови од средбата. Слепците стоеа во одбрана за намерно да примат гол. Брука невидена за која веќе има жестоки реакции од ФФМ и Министерство за спорт.

Пред решавачката мајсторка меѓу Панатинаикос и Анадолу Ефес за пласман на финалниот турнир Фајнал Фор, некои навивачи на грчкиот тим во Атина пред хотелот каде престојува турскиот состав, доцна синоќа палеле огномет и друга пиротехника за да ги остават ненаспани.

Махерот фатил 9 комада, сите иста игра 1-2 гола у прво, 2-3 гола у второ и со 20 денари ги одрал 45.000 евра.

По најдобриот натпревар во цела Европа сезонава минатата недела во Барселона каде домаќинот и Интер постигнаа шест прекрасни голови за реми 3:3, вечерва континентот го чека реваншот на „Џузепе Меаца“ во Милано.

На натпревар од полска фудбалска лига, фудбалер лежи се претура мислиш со куршум погоден. Кога судијата свирна крај и победија, одма смени расположение.

Во германската трета лига, Дуизбург и теоретски обезбедил пласман во втора Бундеслига за следната сезона. Околу 31.500 навивачи на овој симпатичен клуб на домашниот натпревар против Вуперталер (3:0) направиле прекрасна кореографија преку цел стадион. Чисто да им покажат на „навивачите“ на Арсенал кој во Лондон на меч против ПСЖ во полуфинале на Лига на шампиони се посрамија со една висечка завеса.

Доцна во ноќта меѓу недела и понеделник, пред еден белградски клуб избила тепачка во која учесници биле четворица странски кошаркари од Партизан: Карлик Џонс, Стерлин Браун, Исак Бонга и Франк Никилина. Првиов, Џонс, крши стаклено шише од глава на учесник во тепачката и потоа го гаѓа во лице со скршеното шише. Според српските медиуми, група гости во клубот ги задевала и им дофрлала на девојките кои биле во друштво со кошаркарите на што овие реагирале па настанал хаос надвор.

Резултатски не им значи ништо голов, бидејќи Росонерите им ја свртеа на 1:2 во рок од 2 минути. Ама ова сепак е убаво за гледање и многу фудбалски изведено. 15 секунди, 6 додавања. За мерак.

Еден од најголемите тренери во НБА лигата, кој 29 години го водеше Сан Антонио, освои 5 титули и држи рекорд од 1.422 победи, се повлекува од тренерската функција. 76 годишниот Грег Попович доби мозочен удар и го немаше во јавноста од лани. Спарси го поставија за претседател на кошаркарски операции. 

Арон Гордон пружи одлична партија на гостувањето против Оклахома со 22 поени и 14 скока и тројка вредна победа. Погледнете како му одигра еден на еден на Чет Холмгрен. 

Кога сме кај полуфиналињата во ЛШ, кои се на програмата вечер и утре, 10 годишнина полни еден познат полуфинален дуел меѓу Барселона и Баерн, кој Каталонците го добија со вкупни 5:3. Жером Боатенг уште има последици на кичмата и оди на терапии. Последно е виден во Негорци.

На 2 минути до крај, Оклахома имаше +6. Јокиќ прво влезе како бик еден на еден и постигна 2 поени, а во следниот напад даде дрска тројка. И тоа беше само дел од неговиот арсенал во страшната партија со 42 поени и 22 скока. На тајм беа сите претвори во уво.

Денвер Нагетс слави голема победа во полуфиналето од Западот. Ја доби Оклахома Сити Тандер на гости и тоа со пресврт и победнички кош во финишот. Монструозен дабл дабл учинок на Јокиќ.

Красимир Балаков (59) vs Данчо Целески (57). Годините тежат, ама пак има тука фудбалски елементи. Коментаторите се сомничат во ветерот, што е можно. Инаку снимката е од хуманитарниот меѓу Бугарија и Македонија, а Балаков е една од легендите на нашиот сосед кој играше полуфинале на СП 1994.

По 20 години престој, заедно со младинскиот сектор, Трент Александар-Арнолд соопшти денеска дека на лето заминува од Ливерпул со образложение дека има потреба од нов предизвик. Следната дестинација најверојатно ќе му биде Реал Мадрид. Навивач на Ливерпул веќе се откажа од неговиот дрес.

Со две победи и едно реми против Џенова, Парма и Каљари, Наполи е шампион на Италија. Таму е јасна математиката. Во битката за четврто место, допрва ќе станува весело. Три екипи имаат ист број на бодови, а четвртата е на -1. Ситуацијата е хаотична.