Минатата недела на патеката Спа во Белгија уште на првиот свиок Роман Грожан од Лотус Рено предизвика хаос во кој настрадаа Луис Хамилтон, Серхио Перез и Фернандо Алонсо. Токму овие тројца возачи денес ги освоија првите три места на трката во Монца.
Британецот Луис Хамилтон од Мекларен водеше уште од самиот почеток и успе да ја задржи предноста до крајот.
На втората позиција заврши Мексиканецот Серхио Перез кој стартуваше како 13-ти, но успеа да ги претекне болидите пред него, а на крајот го помина и Фернандо Алонсо кој финишираше на третата позиција.
Џенсон Батон и Себастијан Фетел не ја завршија трката.
Во генералниот пласман се уште во водство е Алонсо со 179 поени пред Хамилтон со 142, Раиконен со 141 и Фетел со 140.
