Одигран најголемиот спортски настан во САД - планетата ја виде титулата на Лос Анџелес Рамс

Во 56. издание на Супербоул, Лос Анџелес Рамс ги совладаа Синсинати Бенгалс 23:20 и така стигнаа до својот втор трофеј Ломбарди во својата клупска историја. На улиците на Лос Анџелес големи прослави на титулата која Ремс ја освоија со одбрана во последниот напад.

Супербоул, големото финале на најсилната лига на светот во американски фудбал и оваа година донесе многу голем спектакл.

Подобро во мечот тргнаа Лос Анџелес Рамси кој доминираа преку нападот со пас. Мет Стефорд, Одел Бекам и Купер Кап (стана МВП) освојуваа јарди и заслужено го водеа својот тим до историска втора шампионска титула, прва после онаа во 1999-та година кога франшизата се наоѓаше во Сент Луис.

Бенгалси во еден момент имаа одговор на играта на Ремс, па преку ранинг бекот Џо Миксон и Тиј Хигинс намалија на 13:10.

При еден од нападите на Рамс, се повреди нивниот носител на играта Одел Бекам и тоа се почуствува во нивната офанзива. Имаа црни минути, но на пауза заминаа со три поени предност. Мечот беше отворен во целост.

Тоа се забележа на самиот старт на третиот период кога Џо Буро фрли страшен пас од 75 јарди до Хигинс кој го доби дуелот со силниот Џејлен Рамзи и постигна тачдаун за 17:13. Бенгалси погодија и филд гол за водство од 20:13.

На шест минути пред крајот на мечот, Рамси ја освоија топката, водеа драјв кој Купер Кап го круниса со врвен тачдаун за нов пресврт и водство од 23:20!

Бенгалси го имаа последниот обид, стигнаа до четврт обид за јард, но Џо Буро успеа да го сопре Ерон Доналд и Рамси заслужено ја прославија шампионската титула со освоен Супербоул.

Мечот на стадионот „SoFi“ во Лос Анџелес, Калифорнија пред речиси 100.000 гледачи, го одбележа добра игра на двата тима и очекувано шоу на полувремето и паузите.

Настапија ѕвездите: Др Дре, Снуп Дог, Еминем, Мери Џ. Блајџ и Кендрик Ламар.

На трибините беа присутни светските ѕвезди Џастин Бибер со Хајли Бибер, Крис Такер, Џеј-Зи и Блу Иви Картер, Кајли Џенер, Шарлиз Терон, ЛеБрон Џејмс, Мат Дејмон, Шон Мендез, Алекс Морган, Бен Афлек, Џенифер Лопез и други. 

Прочитајте уште и:

Му криеле дека жена му се пораѓа додека освојувал Супербоул

 

14 февруари 2022 - 10:05

Штета ако сте пропуштиле

Апсолутно рапсодично

Неподносливата леснотија на дијагностицирањето

Сакавте капитализам?

Ама некој ми го прелажа?