ЈСП преку Павловиќ до победа над ТАВ
ТАВ 3-7(2-2) ЈСП
ТАВ: Мартин Арсовски 9’ 40’ Ријат Сулејмани 12’
ЈСП: Велко Серафимовски 33’ Љупчо Павловиќ 8’ 9’ 27’ 27’ Сабит Хусеини 30’ 40’
Израмнето прво полувреме одиграа екипите на ТАВ и ЈСП, прва во водство дојде екипата на ЈСП со погодокот на Павловиќ. Следуваше брз одговор од екипата на ТАВ која со погодок во 9та минута успеа да дојде до израмнување на 1-1. Екипата на ЈСП веќе во следната минута со вториот погодок на Павловиќ успеа да дојде повторно до водство. Екипата на ТАВ во 12та минута успеа да реализира еден контра напад и повторно да дојде до израмнување. До крајот на полувремето двете екипи имаа прилики да го превземат водството но имаа слаба реализација па на полувреме се замина со 2-2. На стартот на вториот дел екипата на ЈСП ја превзеде иницијативата и започна со жесток притисок кон голот на ТАВ што и донесе резултат во 27та со два погодоци постигнати преку Павловиќ. Екипата на Тав со чести ротации на играчи се обидуваше да ја пронајде својата игра и да фати резултатски приклучок но екипата на ЈСП не дозволи изненадување и го доби овој натпревар со 3-7
Матрикс и Фабрика Карпош – ГИМ ги поделија бодовите
Матрикс 3-3(1-2) Фабрика Карпош – ГИМ
Матрикс:Петре Даиловски 2’ 24’ Андреј Синадиновски 35’
Фабрика Карпош – ГИМ: Георги Божиков 12’ Тони Котев 10’ Филип Илиевски 26’
Одличен старт за екипата на Матрикс во дуелот со Фабрика Карпош –ГИМ со погодокот на Даиловски во 2та минута. По ова рано водство екипата на Матрикс целосно ја контролираше играта и темпото во натпреварот, но како одминуваше времето екипата на Фабрика Карпош започна со многу агресивна игра во фаза на напад и одбрана што и донесе израмнување во 10та минута. Неколку минути подоцна поточно во 12та минута екипата на Фабрика Карпош успеа да реализира и да направи целосен резултатски пресврт. По ова екипата на Матрикс беше во позиција да го брка резултатот па до крајот на полувремето со постојан притисок се обидуваше да дојде до израмнување, но екипата на Фабрика Карпош успеа да одолее на притисокот па на полувремето замина со предност 1-2. На стартот од второто полувреме екипата на Матрикс со вториот погодок на Даиловски успеа да дојде до израмнување, следуваше брз одговор на Фабрика Карпош за повторно водство од 2-3. ЕКипата на Матрикс не се откажуваше лесно од натпреварот па во 35та минута успеа повтрно да дојде до израмнување и да ги направи последните минути вистинска драма. Во ваквата драматична завршница најреален исход беше поделба на бодовите. Крај 3-3
Македонски Телеком убедливи во дуелот со Уника
Македонски Телеком 11-3(8-1) Уника
Македонски Телеком: Данило Миладиновски 34’ Михајло Лазаревски 4’ 24’ Роберт Попоски 31’ Стефан Наскоски 20’ Гоце ФИлипов 2’ 7’ 8’Марко Узунов 9’ 11’ Филип Колевски 11’
Уника: Васко Колаков 39’ Тимотеј Нешовски 30’ Томислав Јовановски 11’
Фуриозен старт за екипата на Телеком во дуелот против Уника, со погодоци во 2та, 4та и 7та минута се стекна со комотно водство од 3-0. Екипата на Уника се најде затекната од ова рано водство и во целост им се сруши целата концепција за игра. Екипата на Телеком ова полувреме ја контролираше играта и темпото и од минута во минута го зголемуваше водството за на полувремето да замине со висока предност 8-1. Во второто полувреме иста слика екипата на Телеком целосно го контролираше овој натпрева и покрај одбидите на Уника да ја намали високата негатива. Натпреварот заврши со високи 11-3 за екипата на Телеком.
