СЦ Борис Трајковски со голман играч до победа над Контрола на летање
Контрола на летање 5-9 (2-5) СЦ Борис Трајковски
Контрола на летање: Фарук Мифтари 3’, 7’, Горан Тасевски 22’, 28’, Зоран Гавриловски 40’
СЦ Борис Трајковски: Влахо Костов 1’, 12’, 14’, 29’, Љубомир Стојановски 11’, 39’, Ивица Митов 11’, 26’, Сашо Димитровски 32’
Во првото полувреме уште на самиот старт СЦ Борис Трајковски започна со голман играч со што успеа да ги изненади Контрола на летање и стекна предност која успеа да ја одржи во текот на целото прво полувреме. И во второто полувреме СЦ Борис Трајковски продолжи во ист ритам пред се благодарение на Љубомир Стојановски кој се покажа како одличен голман играч и беше од голема помош во убедливата победа над Контрола на летање.
ТРАНСМЕТ со подобра физичка подготвеност до победа над Шпаркасе
ТРАНСМЕТ 8-6 (3-3) Шпаркасе
ТРАНСМЕТ: Игор Пејовски 2’, 17’, 17’, Амер Скендеровиќ 23’, Марјан Талески 28’, Емир Бегановиќ 36’, 40’, Перо Ангелески 36’
Шпаркасе: Филип Чижбановски 14’, 15’, 20’, Дарко Стојановски 21’, 31’, 38’
Екипите на Шпаркасе и ТРАНСМЕТ одиграа крајно израмнет натпревар во кој се играше мошне отворено и на двете страни со целосен акцент на играта во нападот. Се играше гол за гол се до 3’ пред крајот кога екипата на Шпаркасе, пред се поради кратката клупа кондиционо падна, што ТРАНСМЕТ вешто го искористи, направи резултатски пресврт и го доби овој натпревар со 8-6.
Лукоил незапирлив во дуелот со Гранит
Лукоил 11-6 (6-3) Гранит
Лукоил: Дејан Зиков 2’, 4’, 14’, 28’, 31’, 32’, 39’, Мартин Алаѓозовски 3’, Владимир Секулоски 10’, Васко Стефанов 15’, Александар Аврамовски 33’
Гранит: Дарко Стојановски 7’, 36’, Ненад Ристиќ 9’, Пепи Мицев 15’, 35’, 38’
Екипата на Лукоил која ја имаше епитетот на првак во регуларниот дел од сезоната одигра одличен натпревар во дуелот со Гранит и го оправда зборот фаворит во овој натпревар. Гранит не можеше да парира на вака расположениот Лукоил кој го доби овој натпревар со 11-6.
