„Конор не сакаше да дојде во Лас Вегас и да снима за комерцијалните потреби. Сега тренира на Исланд, таму е. Дали ќе се повлекува? На тоа прашање одговорот го знае само тој“, изјавил Вајт синоќа.
Медиумите на Островот потсетуваат дека ваквата одлука на МекГрегор доаѓа само една недела по трагичната смрт на португалскиот УФЦ борец Жоао Карваљо кој починал после повредите здобиени на Total Extreme Fighting турнирот на почетокот на месецот. Конор, инаку близок пријател на Карваљо го гледал мечот во живо веднаш до рингот.
Ирецот го нарече Карваљо „пеколен борец" во еден пост на Фејсбук. „Да видиш млад човек како го прави тоа што го сака, борејќи се за шанса за подобар живот и сетоа тоа потоа да исчезне е навистина трогателно".
Јаху спортс пишува дека шпекулациите дека нешто не штима во односот меѓу раководството на УФЦ и МекГрегор не се издржани и повеќе личи дека се работи за презаситеност едни од други, отколку недоразбирање.
Конор МекГрегор сè уште не се огласи по синоќешниот твит што некој го протолкуваа со резерва.
