Во првата фаза од елитното друштво, Вардар ќе игра против Ларвик, ФТЦ Будимпешта и квалификант (најдобриот тим од квалификациската група 2 каде се Турингер, Хорс, Хипо и Атлетико Гуардес).
Групата на прв поглед не делува нималку лесно затоа што Ларвик е еден од европските великани во женскиот ракомет а ФТЦ Будимпешта од година во година стреми кон врвот.
И покрај тоа, ракометарките на Вардар не би требало да имаат проблем како првопласирани да ја минат групата и одново да фаќаат залет за Фајнал Форот каде би се бркала првата историска титула која им избега во мај во Будимпешта.
Добра околност за црвено-црните е што во главната фаза нема да се сретнат со главните конкуренти за тронот, шампионот Ѓер и романскиот ЧСМ Букурешт, затоа што ако пројдат понатаму ќе вкрстат со групата Д каде главен фаворит е Будуќност кој во новата сезона ќе игра без носителите на играта Кристина Неагу, Катарина Булатовиќ и Драгана Цвијиќ.
ГРУПА А: ЧСМ Букурешт, Никобинг, Крим Меркатор, Висла Гдиња.
ГРУПА Б: Ѓер, Ростов, Митјиланд, Брест.
ГРУПА Ц: ЖРК Вардар, Ларвик, ФТЦ Будимпешта, Квалификант од група 2.
ГРУПА Д: Будуќност, Мец, Битегхајм, Квалификант од група 1.
