Газета Дело Спорт објави многу контроверзно интервју со членови на навивачката група на Шкендија кои отворено зборуваат против Македонија и Македонците. Просто, тие луѓе се горди на својата омраза. И веруваат дека Вардарци не можат да спијат од СТРАВ кога ќе слушнат за нивното име. Бре, бре.
Веста за нивното прво појавување на насловните страни била дека го демолирале центарот на градот Комо, а учесници се на една од најозагласаните тепачки во историјата на ултрас сцената во Италија по која пола од нив не смееле да стапнат на стадион. Па сега видете вие.
Дешавката со полицаецот кој зборува на мобилен телефон на сред терен за време на мечот МС Синопспор - Јени Амасјаспор (4:2) од турскиот фудбалски куп вреди повеќе од трофејот во ова натпреварување. А толку беше искрен што дури и крена рака да се извини па продолжи да збори к’о ништо да не било. Епски!
Влатче Гроздановски кој годинава како играч на Вардар ги закачи копачките на клинец, требаше да даде свое видување пред пресметката со Фенербахче, арно ама времето предвидено за разговор во живо му го земаа други. Во ред е да се има еуфорија за ваков меч, ама по кроце бе дечки.
Во навивачкиот свет, само ним разбирлив, за голема победа важи одземањето на знаме, шал или било каков реквизит од спротивната навивачка група. Фенербахче во Скопје синоќа го бодреа многу негови следбеници од регионов, а знамињата на оние дојдени од Косово паднаа во раце на навивачите на Вардар.
Околу 1.600 навивачи на Хајдук Сплит синоќа го гледаа мечот со Евертон на „Гудисон Парк“ а во 32 минута од мечот искрите преминаа во општ хаос па словачкиот судија Кружилак мораше на 5 минути да го прекине мечот затоа што многу Торцидаши влегоа на терен и се судрија со редарската служба и полицијата.
Европската фудбалска унија неодамна го казни полскиот клуб Легија со 35.000 евра поради големото прекривно знаме кое што го имаа на минатиот меч а на кое оддаваа почест на стотици илјади убиени Полјаци во Втората Светска војна.
По сите премрежија кои се случија периодов и за Вардар и за сите негови навивачи, време е за концетрација и смиреност. Вечерва со почеток од 20:00 часот на Телеком арената гостува великанот Фенербахче кој со полн стадион, гласна поддршка и нов тренер, Вардарци ќе се обидат да го изненадат. Мора силно и без пардон, се работи за последната пречка пред историски пласман во ЛЕ.
Хајдук вечерва (21:05) игра против Евертон во плејофот на Лига Европа. Клубот од Далмација за овој меч добил околу 1.600 карти за своите навивачи а еден од нив ги заслужува сите почести за гостувањето во Ливерпул.
Поради конфузноста околу картите и прашањето чии навивачи каде ќе седат, голем дел навивачи на Фенербахче веќе купувале карти и за Јужна трибина а за таму набавувале и Вардарци.
Њујорк Јенкис загуби 3:2 од Бостон Ред Сокс. И тука го завршуваме нашиот муабет за бејзбол, кој колку што важи за популарен спорт во САД, толку е непопуларен на нашиве простори. Ај маче накај дома со метро, никој не нè гледа, ниту “снима“.
Снимката е бајата 22 години, ама песната е скроз култна и незаборавена, па некој знае да ја потпевне и во денешно време. ФФМ и со таа и со сегашната гарнитура имаше/има луѓе што не ја сакаат. Ова е пријателска средба меѓу Вардар и Црвена Звезда, а негодувањата се однесуваат на забраната за гостување на навивачите. Тука нема вреѓање, ќе се пее таа уште 100 години. Три за позор, четири:
Откако управата на Вардар реши да ја даде Јужната и Источната трибина за гостинската публика на мечот со Фенербахче, организираната група навивачи на Вардар „Комити“ го кренаа гласот.
Тој милион евра што сакате да го заработите на 17-ти не може да ја плати таа верност. Ретко кој ќе може децата да си ги однесе на натпреварот со Фенербахче, ако сака и да ги школува од септември нели.
Присуството на голем број Англичани и други навивачи на Манчестер Јунајтед кои се наоѓаа на источната трибина на Супер Купот и интонирањето на нивната химна, ни го доловија она што секој викенд се случува на Олд Трафорд. Колку само убаво звучи “Glory Glory Man Utd".
„Понекогаш кога победувам не ги чувам медалите, па замислете кога ќе изгубам. За мене, медалот веројатно ќе завршеше во некое ќоше во домот, а за тоа дете е месечината - нешто што ќе го чува и ќе се сеќава“, изјави Жозе Мурињо после мечот. Малиот се вика Деџи.
Група од стотина навивачи на Манчестер Јунајтед со пиво и песна се веселеа пред кафуле спроти Мајка Тереза. Во еден момент кортео со фанови на Реал Мадрид им упадна на проаѓање. Средбата мина без судир, туку со уште погласно навивање на Англичаните.
Многу од нас креваа раменици кога видоа само 30-ина навивачи кои дојдоа во Скопје да го бодрат Копенхаген на мечот со Вардар. Пола од коментарите беа: „Аман бе, нели биле толку бројни и заебани овие а дошле 30 души“. Само неколку дена подоцна во градското дерби против Брондби рушеа сè пред себе и се тепаа со полицијата која што ја гаѓаа со тапанот.
Едни од најсреќните луѓе од земјава поради Супер Купот се навивачите на Реал Мадрид. Го гледаа и бодреа во Париз, Минхен, Дортмунд, Неапол, Барселона, Милано, Торино и каде уште не, но сега имаат посебна задача: да се покажат како прави домаќини.
Откако приказната за најголемата македонска навивачка на Манчестер Јунајтед се рашири вчера на интернет, од фудбалската федерација на Македонија доби покана да им биде гостинска на финалето меѓу Манчестер Јунајтед и Реал Мадрид. Добро е, ни работи акалот понекогаш.
Дека лотаријата на УЕФА за доделување карти беше тешка глупост, доказ е тоа што во вторник на Филип Втори ќе има многу луѓе што имале среќа, а не желба и страст за фудбал. Нашата Нада, една од најстрастните навивачки на Манчестер Јунајтед дише со клубот повеќе од Фергусон. Па за нејзе ли да нема карта?
