Срце, раце, дланки за тотална доминација на гостински стадион

Навивачите на Пари Сен Жермен, околу 4.000 души, синоќа издоминираа пред преполните трибини на „Олд Трафорд“ во Манчестер. Домашната публика како на балет.

Веќе со години не е ретка слика гостинска публика да се слуша повеќе од домашна кога англиските тимови се домаќини во Лига на шампиони.

Некои тоа го правдаат со фактот дека жестоките англиски навивачи, претежно од работничката каста веќе одамна ги нема поради репресијата од британските закони, а некои дека скапите трибини на „Стемфорд Бриџ“, „Емирати“, „Етихад“ „Олд Трафорд“ па и фамозниот „Енфилд Роуд“ се исполнети само со разгалени туристи кои доаѓаат со цел да се сликаат за социјалните мрежи.

Фудбалерите кои Солскјер ги препороди за кратко време, синоќа не ја добија потребната поддршка и ја прекинаа серијата од 11 меча без пораз.

Во текот на вчерашниот ден навивачите на Пари Сен Жермен ги освоиле улиците на Манчестер:

Англиската полиција не ѝ дозволила на групата Collectif Ultras да тргне со метро кон „Олд Трафорд“, па овие го искористиле пешачењето за нова голема бакљада:

Навивачите на Манчестер Јунајтед единствено пред почетокот на мечот, за време на интонирање на химната на Лига на шампиони, во пар наврати силно да ја запее познатата „Оле, оле“ со алузија на Оле Гунар Солскјер. Од тој момент па до крајот, Французите не престанаа со песна и ги носеа своите играчи до голем триумф, додека домашните не покажаа ни дел од некогашната препознатлива атмосфера од „Олд Трафорд“.