Неапол е во транс, 20.000 навивачи го блокираа аеродромот

Секој што ќе ги погледне сцениве ќе помисли дека синоќа се славела титула во италијанското првенство, а тоа беше само победа против Јуве со која сè уште ништо не е решено. Нема поголеми фанатици за фудбал од Наполитанциве.

Со голот во 90-та минута против Јувентус на гости Кулибали го остави буден цел Неапол каде се славеше цела ноќ. Бранителот на титулата сега има минимална предност од 1 бод пред Наполи, но битката за титулата целосно се вжешти.

Наполитанците беа во таков делириум, што прво не го штедеа огнометот, а потоа се собраа во центарот на градот каде лудуваа качени на коли со знамиња и се фрлаа во фонтаните, мислиш Скудетото веќе го имаат в раце.

Нивните херои кои го урнаа Јуве слетаа во 2 часот по полноќ, а постоеше можност летот да биде одложен поради безбедност, бидејќи 20.000 навивачи се упатиле накај аеродром за да ги пречекаат играчите.

Патиштата биле блокирани по што луѓето излегувале од коли и оделе пешки. На клупскиот автобус му бил потребен еден час за да извози 50 метри и да излезе на автопат.

На лудото во Неапол едноставно ноќеска му немаше крај. Ќе го превртат градот наопаку ако слават титула.

Лудото низ град