Навредлива парола на Гробари за Кукоч и Раѓа

Двете хрватски кошаркарски легенди и симболи на едно носталгично време, пред две недели беа гости на Партизан на мечот против Олимпијакос. Нивното присуство на Штарк арената беше поздравено со аплаузи. Овој пат навивачите беа поделени. Едни ги вреѓаа Кукоч и Раѓа, а другите му се сипаа на Вучиќ.

На синоќешниот последен меч на Партизан сезонава во Евролигата, кој славеше против Валенсија, немаше слога во арената.

Дел од навивачите скандираа „Дино Раѓа пичко усташка“, а другите возвратија со „Вучичу педеру“.

Гробари извадија порака со која алудираа на бегството на Хрватите од подиумот во 1995 година, кога Југославија на ЕП во Грција го освои златниот медал, а Хрватите завршија трети. Во тој тим беа Кукоч и Раѓа.

Вербалниот конфликт пред стартот на мечот траеше неколку минути. Партизан оваа сезона не се избори за плејофот.