Offside › Набрзинка

Зошто атрактивната Холанѓанка после секоја трка се соблекува пред камера?

17 февруари 2026

На Зимските олимписки игри во Милано и Кортина, холандската брзолизгачка Јута Лердам освои златен медал на 1.000 метри и сребро на 500 метри.
Под нејзиниот аеродинамичен натпреварувачки костим носи спортски градник од „Најк“, кој го покажува после секоја трка како реклама.
Според проценките на експерти за спортски маркетинг, Лердам од „Најк“ заработува околу 850.000 евра годишно, а на Инстаграм ја следат 6,2 милиони луѓе.

Јута Лердам, симбол за убавина на Зимските олимписки игри

извор

Фудбалот ги поврзува децата и ги руши бариерите

27 октомври 2026

Фудбалот како универзален јазик на пријателството, соработката и инклузијата беше во центарот на настанот „Допри го голот – Фудбал за секое дете“, реализиран од Основното училиште со ресурсен центар „Иднина“, Скопје, со поддршка на ФФМ и УЕФА Фондацијата за деца (UEFA Foundation for Children).
На настанот учествуваа ученици со типичен и атипичен развој од седум училишта од Скопје, Куманово и Кратово.
Преку заеднички фудбалски активности, учениците, наставниците и образовните асистенти испратија силна порака за важноста на инклузијата, врсничката поддршка, тимскиот дух и еднаквите можности за секое дете. Ревијалните фудбалски активности беа можност децата да се дружат, да соработуваат и да создаваат нови пријателства, потврдувајќи дека на фудбалскиот терен има место за сите.
Поддршката за ваквите иницијативи е дел од заложбите на Фудбалската федерација на Македонија за промовирање на социјалната инклузија и создавање можности што ќе му овозможат на секое дете да биде дел од фудбалската игра.

извор

539 карти за македонските навивачи во Глазгов

27 октомври 2026

ФФМ информира дека дека продажбата на билетите за претстојниот натпревар Шкотска – Македонија ќе се одвива исклучиво преку официјалната електронска платформа за продажба на билети на Фудбалската асоцијација на Шкотска.
За македонските навивачи првично ќе биде отворен секторот А2 на западната трибина, со капацитет од 539 седишта, а доколку има потреба од дополнителен број билети, ќе биде отворен и секторот А3, со дополнителни 860 седишта.
Натпреварот Шкотска – Македонија ќе се одигра на 13 ноември 2026 година, со почеток во 20:45 часот по македонско време (19:45 часот по локално време), на стадионот „Хемпден парк“ во Глазгов.

извор