Offside › Набрзинка

Во Вардар само на Аргентинците им даваат плата, а на домашните им должат?

9 април 2026

Фудбалерите на Вардар негодувале и сакале да го бојкотираат дуелот со Пелистер, а неофицијално најавуваат дека колективот е блиску и до штрајк, бидејќи им се должат десетици илјади евра неисплатени премии, пишува Спорт1.
Најсрамниот дел од приказната не е ни доцнењето, туку неправдата, затоа што додека домашните играчи чекаат, аргентинските фудбалери си ги добиле парите навреме, целосно и без доцнење. И мислејќи дека тоа важи за сите, самите Аргентинци се пофалиле дека им е сѐ исплатено.
И тука директно се поставува прашањето за улогата на Миленко Неделковски. Кој ја носи оваа одлука? Кој дозволува да се создава „аргентински клан“ во соблекувалната? И уште пострашно, кој дозволува играчите да се делат на „подобни“ и „неподобни“?, прашува порталот.

извор

Им дојде памет: Валенсија го продолжи договорот со Столе Димитриевски

4 јуни 2026

Откако сезонава блесна и беше еден од најзаслужните што Валенсија мирно заплови во финишот од сезоната во Ла Лига и не се бореше за опстанок, Столе Димитревски доби нов договор од клубот.
Македонскиот репрезентативен голман останува на „Местаља“ до 2028-ма до кога е потпишан новиот договор. Димитриевски ќе заработи и бонус од 500.000 евра за тоа што го продолжил договорот.
„Откако дојде во 2024-та, Димитревски (роден во Куманово на 25-ти декември 1993) одигра 33 натпревари за Валенсија во Ла Лига и Копа дел Реј. Неговото искуство меѓу стативите придонесе за подобри резултати на екипата во вториот дел од сезоната, со пет натпревари без примен гол кои резултираа со пет победи (Хетафе, Леванде, Осасуна, Севиља и Атлетик Билбао). Со ова продолжување на договорот, Валенсија обезбеди континуитет за 32-годишниот голман кои по пријателските средби против БиХ и Турција, после одморот ќе им се придружи на соиграчите“, стои во соопштението на клубот од „Местаља“.

извор

Во Белград ненадејно почина познатиот новинар Един Авдиќ

4 јуни 2026

Веста за смртта на познатиот спортски новинар и колумнист Един Авдиќ го потресе целиот регион. Бројни клубови, спортисти, колеги и навивачи се простуваат од еден од најпрепознатливите спортски гласови и појави на овие простори.
Един Авдиќ е роден на 19-ти јуни 1979-та година во Сараево. Кариерата ја започнал на Федералната телевизија а потоа работеше на ОБН телевизија каде стекна голема популарност како коментатор на НБА лигата. Потоа се пресели на Арена Спорт телевизија каде стана најпрепознатлив кошаркарски новинар и колумнист во регионот и пошироко.
Популарниот Едо беше голем кошаркарски зналец, се прослави со колумните на сајтот Мондо а потоа и со одличните преноси на натпреварите од српската кошаркарска лига, АБА лигата, НБА лигата, Евролигата. Последно го водеше подкастот „Удвојување“ со неговиот колега Милош Јовановиќ како и својата авторска емисија „X&O’s chat“ на телевизија Уна.
Авдиќ долги години водеше емисија и подкаст со својот долгогодишен пријател Ненад Костиќ - Коле. Двајцата составија препознатлив тандем во чии гласови и анализи гледачите уживаа.
Един Авдиќ беше ценет и почитуван од сите. Направи ексклузивни интервјуа со големите кошаркарски ѕвезди а беше и семеен пријател со Никола Јокиќ.
Од Едо се простуваат најголемите од регионов и пошироко.

извор