- Долгогодишниот познат хрватски судија Тихомир Пејин кој веќе некое време работи како ВАР судија, утрово е нападнат во Вилсонова улица во Осијек додека бил на трчање. Го нападнале двајца маскирани напаѓачи со палки околу 7 часот наутро а еден случаен минувач со возило упорно свирел па така ги заплашил напаѓачите кои избегале.
- Пејин набрзо бил пренесен во болница каде му биле констатирани лесни телесни повреди.
- „Не знам зошто сум нападнат ниту кој ме нападнал и се надевам дека полицијата ќе ги пронајде напаѓачите“, рекол Пејин. Според сведоците едниот напаѓач имал моторциклистичка кацига а друг трчал со маска преку лице.
- Пејин како фудбалски судија работел 25 години и судел натпревари во највисок ранг во хрватската прва ХНЛ лига.
- Индекс пишува и дека тој минатата година бил именуван за директор на аеродромот во Осијек и е член на владејачката партија ХДЗ.
- Финишот на преодниот рок во најсилните европски лиги донесе бура од трансфери па не се знаеше од каде летаат вести за нови трансфери.
- Еден од позвучните трансфери е Габриел Жезус во Барселона. Бразилецот кој играше за Арсенал и Манчестер Сити доаѓа на „Камп Ноу“ во трансфер вреден од 8,6 милиони евра до 10 милиони евра во зависност од идните настапи.
- Барса цело лето трагаше по нов шпиц како замена за Роберт Левандовски кој замина во МЛС лигата во САД и на крај после цела сага со Хулиан Алварез, се помири со трансфер на 29-годишниот Габриел Габи Жезус од Арсенал.
- „Сè се случи некако многу брзо. Секако сите веќе ме познаваат. Имав малку потежок период во последните две години но освен тоа сите ги знаат моите квалитети и колку можам да придонесам за екипата. Порадо тоа се беше многу полесно. Навистина се радувам што сум овде. Пресреќен сум што стигнав во вака голем клуб како Барселона. Сакам да им заблагодарам на Деко, на тренерот и на претседателот на укажаната доверба“, рекол Габи Жезус на претставувањето.
- Барселона летово ги доведе засилувањата: Антони Гордон, Карим Адејеми, Родри, Жоао Кансело и голманот Доминик Ливаковиќ.
- Македонскиот ракометен шампион Вардар и финалистот на Купот на Македонија, ГРК Охрид, вечерва во Гевгелија ќе ја отворат новата сезона 2026/27 со дуел во Суперкупот на Македонија.
- Ова ќе биде трета пресметка меѓу двете екипи во текот на подготвителниот период. Претходно тие се сретнаа во финалињата на турнирите во Струга и Охрид. На Струшкиот турнир триумфираше Охрид, додека на домашен терен „гладијаторите“ повторно беа подобри.
- Во досегашните осум изданија на Суперкупот, најуспешен е Вардар со четири освоени трофеи. Еурофарм Пелистер има три титули, додека Алкалоид еднаш го подигна пехарот.
- Натпреварот меѓу Вардар и Охрид ќе се одигра вечерва во спортската сала „26 Април“ во Гевгелија со почеток од 19:00 часот.
