Offside › Набрзинка

Владата на Хрватска силно против градоначалникот на Загреб, Томпсон сигурно ќе им пее на ракометарите

2 февруари 2026

И покрај сите дискусии и перипетии откако градот Загреб официјално објави дека нема да дозволи пречек на хрватските бронзени ракометари од Еуро2026 на главниот градски плоштад ако таму пее контроверзниот пејач Марко Перковиќ-Томпсон, сепак Владата на Хрватска одлучила поинаку.
Желба на ракометарите им била токму Томпсон кој е познат по своите контроверзни воено-хушкачки песни да им пее на пречекот на плоштадот „Бан Јелачиќ“ во Загреб вечерва од 18 часот.
Првично градот Загреб и градоначалникот Томашевиќ веќе почнале да го организираат дочекот но не прифатиле на плоштадот да настапи Томпсон па хрватскиот ракометен сојуз соопшти дека дочек нема да има.
Подоцна на интервенција на премиерот Андреј Пленковиќ, Владата донела одлука дека на пречекот ќе пее Томпсон, а неговиот менаџер го потврдил настапот како сигурен.
Градот Загреб претходно во координација со Хрватскиот ракометен сојуз договорила пречек на ракометарите на плоштад со настап на познатите „Запрешиќ Бојс“ кои пејат навивачки песни за Хрватска како и групата „Хрватске руже“. Но ракометарите по освоената бронза со победа над Исланд 34:33 во дуелот за трето место, инсистирале на договорените изведувачи да им се придодаде и Томпсон, пишува Индекс.хр.

извор

Се разделија Нагелсман и ДФБ, Германија ќе ја води познат шмекер

3 јули 2026

По новиот дебакл на германската фудбалска репрезентација која после два Мундијали на кои испаѓаше во групи сега се посрамоти и во 1/16 финале испадна од Парагвај, очекувано селекторот Нагелсман си оди.
Германскиот фудбалски сојуз (DFB) во состав претседател Бернд Нојндорф (64), шефот на Бундеслига Јоаким Вацке (67), спортскиот директор Руди Фелер (66) и генералниот секретар на Федерацијата Андреас Ретиг (63) објави дека го раскинува договорот со 38-годишниот тренер кој беше селектор од септември 2023-та. Под негово водство Германија стигна до 1/4 финале на Евро 2024 и испадна од Светско 2026 во 1/16 финале.
Германската фудбалска федерација на барање на целокупната тамошна јавност почнува преговори со Јирген Клоп (59) кој би требал да стане нов селектор на Националмајншафт.
„Неколку дена по нашето испаѓање, многу размислував и се советував со луѓето од доверба, како лично така и во федерацијата. Оваа одлука не беше лесна за мене. Мој главен приоритет секогаш бил успех на репрезентацијата. После такво горко разочарување, тие заслужуваат шанса да почнат се од почеток. Сакам да му се заблагодарам на својот стручен штаб и сите во федерацијата кои не поддржуваа нас, посебно играчите со кои имав чест да работам.

Посебна благодарност и до навивачите. Вие не поддржувавте, верувавте во нас, ни дававте енергија во тешки времиња. Искрено ми е жал што ве разочаравме и не ви подаривме незаборавни фудбалски ноќи на ова Светско првенство. Вие заслужувате повеќе“, рекол Нагелсман по разделбата со федерацијата.

извор

Матановиќ: Почувствував мал допир со топката по коса

3 јули 2026

Со влезот во второ полувреме, Игор Матановиќ ја освежи играта на хрватската фудбалска репрезентација против Португалија, но на крајот, токму неговиот минимален допир со топката во 13-та минута од судиското продолжение беше причината голот на Гвардиола да биде поништен.
Што се случи во таа последна ситуација од натпреварот? Дали ја допревте топката? Што рече судијата?
„Искрено, мислам дека почувствував мал допир со топката на косата, а потоа го прашав судијата што е тоа. Не бев 100% сигурен дали ја допрев. Тој рече нешто како да имале чип во топката и дека виделе дека имало контакт, а потоа било офсајд и тоа е тоа.