- Дисциплинската комисија на УЕФА денес ги изрече казните за клубовите чии навивачи направиле прекршоци во изминатото коло од еврокуповите.
- Македонскиот претставник Шкендија е казнета со 20.000 евра и затворен сектор 11 од националната арена „Тодор Проески“ во Скопје за следниот натпревар од УЕФА на домашен терен или секторот на кој стадион и да бидат домаќини поради раситичко и дискриминаторско скандирање на нивните навивачи.
- Шкендија е казнета и условно на две години па доколку се повторат испадите, клубот ќе биде подрастично процесуиран.
- А подрастично казнети се Црвена Звезда и Динамо Загреб. Српскиот шампион доби забрана за гостински навивачи на мечот со Штурм Грац во Австрија, казнета е Звезда и парично со вкупно 65.000 евра за дискриминаторско скандирање и доби условна казна од две години.
- Динамо Загреб е казнет со вкупно 40.000 евра и со забрана за гостинки навивачи на првиот следен натпревар во еврокуповите и условна казна од 2 години за употреба на пиротехнички средства и фрлање разни предмети на терен на дуелот со шведски Малме.
- Санкционирани се и холандски Утрехт и Феенорд и романската фудбалска федерација па У21 селекцијата на Романија.
- Прашање на време беше кога најголемиот на сите времиња според многумина, ќе ја соопшти тажната вест дека се пензионира од репрезентативниот фудбал. Лионел Меси пред неколку недели и официјално се прости од репрезентативниот дрес на Аргентина и сега ќе ни биде тешко да се навикнеме на „гаучосите“ без магичната 10-ка.
- Меси преку официјално соопштение изјави дека се повлекува од репрезентацијата. Тој во 2022 ја носеше Аргентина до толку сонуваната титула Светски шампион.
- Во ситуација кога во репрезентативна пензија летово замина и стоперот Никлас Отаменди кој му беше заменик-капитен на Меси, сега капитенската лента ќе ја носи досегашниот трет заменик капитен, стоперот Кристијан „Кути“ Ромеро кој летово од Тотенхем премина во Атлетико Мадрид.
- 27-годишната Русинка родена во Москва а која од 2018-та игра под знамето на Казахстан, Елена Рибакина конечно ја презеде лидерската позиција број 1 во женскиот тенис и стана 30-та првопласирана тенисерка во историјата на ВТА рангирањето.
- По неколкуте порази на Арина Сабаленка на претходните 4 турнири, Белорусинката го изгуби статусот прва на ВТА ранг листата откако Елена Рибакина ја совлада Коко Гауф во полуфинале на УС Опен и закажа дуел токму со Сабаленка во финалето.
- Дури и ако Сабаленка победи во големото финале за пехар на УС Опен кое се игра во недела вечер од 20:00 часот по Средноевропско време, Рибакина ќе остане прва на листата. Елена ја искористи лошата форма на Сабаленка во изминатите летни месеци и конечно ја симна од врвот после цели 193 недели!
- „Разбирам навистина колку е тешко да се дојде до бројот 1 на свет. Тоа беше една од моите цели, но сега не можам ништо повеќе да сторам. Не играв добро на средина од сезоната. Елена ја презеде првата позиција и играше навистина добро. Не можам ништо со тоа јас. Можам само да се фокусирам на себеси и да останам во моментот и да се обидам да одиграм најдобро сега. Да се држи формата и можеби ќе ја повратам од неа позициајта број 1“, рече Сабаленка.
- Овие две тенисерки досега се сретнаа 17 пати на ВТА турот и Сабаленка има дури 10 победи. Сезонава 2026 се сретнаа во финалето на Отвореното првенство на Австралија кога Рибакина славеше а Сабаленка и возврати откако ја победи на Индијан Велс и Мајами.
