Offside › Набрзинка

Сејдини ја губи довербата од УО на ФФМ, бараат итно да свика седница

31 октомври 2024

10 од вкупно 16 членови на Управниот Одбор на ФФМ му испратија соопштение на претседателот на ФФМ, Мухамед Сејдини да закаже итна седница.
Десетмината потписници се оградуваат од соопштението објавено на страницата на ФФМ, после посетата на Сејдини кај претседателот на УЕФА во Нион и велат дека не се информирани, а ниту консултирани за проблеми во федерацијата за кои како што велат, дознаваат од самото соопштение.
„Во изминатиов период се случија неколку активности на Фудбалската федерација на Македонија за кои ние како членови на УО на ФФМ не сме информирани и не сме координирани околу ставовите и одлуките на Федерацијата, иако како членови на ова тело на Федерацијата обврска ни е да носиме заеднички одлуки и ставови“, се вели во соопштението испратено до Сејдини.
„Согласно Статутот на ФФМ, претсетателот на ФФМ има обврска да свика седница во рок од 21 ден од денот на приемот на барањето за свикување на седница на Управен одбор. Во спротивно, членовите на Управниот одбор имаат право седницата да ја закажат самостојно“, се вели до денешното соопштение на ФФМ, објавено на нивниот веб сајт.

Види и:

Масев си поднесе оставка: ФФМ е приватизирана во интерес на Сејдини и неговиот заменик Ракиџиев

Првиот човек на ФФМ претепан од маскирани луѓе

Пандев: ФФМ последниве години се претвори во чајџилница, секојдневно билдање на сметката во Крушино

извор

Два месеци француски затвор за повеќе навивачи на Рома, другите депортирани

26 септември 2025

Пред натпреварот Ница - Рома (1-2) од 1. коло во Лига Европа, француската полиција осуетила и привела повеќе од 100 навивачи на Рома меѓу кои нашле арсенал студено оружје, палки, метални шипки, боксувачи, димни бомби и др.
28 навивачи од Рим по брза судска постапка биле осудени на минимум 2-месеци затвор во Ница и таму ќе останат најмалку до крајот на ноември. На оние кои се ресидивисти, односно кои го повториле делото и биле учесници во инциденти и нереди на натпреварите против Тотенхем, Билбао и Сервет, им се заканува и затворска казна до 5 години. Обвинителството во Ница им ги одбило барањата за депортација. Останатите 89 биле депортирани назад во Италија на нивен трошок.
Рома победи 1-2 со головите на двајцата стопери Еван Ндика и Џанлука Манчини.

извор

Ливерпул го исполни ветувањето за семејството на Жота

26 септември 2025

Како што беше објавено веднаш по трагедијата, Ливерпул остана на зборот и целосно го исплати преостанатиот дел од договорот на семејството на Диого Жота.
Португалецот имаше уште две сезони договор со клубот од Енфилд. Потврдата стигна од Арне Слот.
„Неколку пати повторив колку бев горд на реакцијата на навивачите во тие денови. Сопствениците се претежно оние кои критикуваат, како и тренерите. Но, начинот на кој се справија со целата оваа ситуација... Тие им ги исплатија на сопругата и децата на Диого сите пари од договорот. Можеби луѓето мислат дека тоа е нормално, но тоа не е нормално во фудбалот“, рече тренерот на Ливерпул.
Ливерпул, исто така, направија нешто што никогаш порано не го направие. Го повлекоа бројот 20 во сите младински категории и во првиот тим.

извор