Offside › Набрзинка

Седлоски за одличниот стрелец Илоски од САД: „Никого нема да молиме“

16 септември 2026

Дваесет и седум годишниот Милан Илоски, роден во Калифорнија (САД) кој има македонско потекло, веќе подолго време важи за еден од подобрите стрелци во американската МЛС лига заедно со Лионел Меси, Луис Суарез, Томас Милер и Роберт Левандовски. Илоски сезонава на 25 натпревари има 12 гола и 2 асистенции со што е во горниот дел од листата на најдобри стрелци.
Илоски игра за Филаделфија Јунион. Тој веќе неколку месеци е предмет на дискусии за македонската репрезентација.
На денешниот прес во пресрет на дуелите од Лига на Нации, селекторот Гоце Седлоски на новинарско прашање за Илоски рече:
„Јас сакав да го повикам Илоски уште за натпреварот во Данска, но преку Николче Новески, ни кажа дека приоритет му е клубот и борбата за клупските цели. Се обидовме да ја преиспита одлуката, но во овој момент неговата одлука е таа што е. Го следам, но никого нема да молиме да игра за Македонија“.

Седлоски повика 28 играчи за Лига на нации меѓу кои четворица дебитанти

извор

Гигантот се буди: КК Работнички со максимален старт – сите пет победи

2 ноември 2026

Импресивната игра и петте стартни победи на лидерот и досега единствениот непоразен тим, Работнички во 35. прволигашко кошаркарско првенство, во МТЕЛ Супер Лигата, се неговиот најдобар клупски старт по пауза од девет години. Во таа сезона 2017/2018 тогаш исклучително моќниот Работнички, кој беше најмалку за класа подобар од конкурентите, го заврши регуларниот дел со импресивните и неповторливи максимални 22 победи.
Играта на сегашниов Работнички сè повеќе почнува да потсетува на славните времиња на (Годел, Фершпед) Работнички! Широк е фондот на квалитетни и за тимот мошне важни домашни кошаркари – такви се најмалку седуммина. Разновиден е начинот на игра, што го практикува шефот на стручниот штаб Владимир Мирковски, кој, помеѓу другото, одлично ја распоредува и минутажата. Темелот е цврстата и агресивна одбрана. Одлично се избрани и вкомпонирани исклучително квалитетните три странски засилувања кои се максимално подредени на тимот.
Дали стартов мириса на борба за шампионскиот пехар во за Работнички посебно убава година во која се прославува јубилејни 80 години постоење, во голема мера ќе покаже и градското дерби против МЗТ Скопје за неколку дена.

извор

Тепачка меѓу навивачи на МЗТ Скопје и Работнички, едно лице повредено

1 ноември 2026

Синоќа околу 19 часот пред салата „Јане Сандански“ во Аеродром каде КК Работнички играше против КК Скопје, додека навивачите на клубот од „Градски парк“ чекале да влезат во салата, со факели и други предмети биле нападнати од навивачи на МЗТ Скопје од групата „Фемили Аеродром“.
Во физичката пресметка е повредено едно лице кое набрзо било префрлено во ГОБ „Св. Наум Охридски“ каде му била укажана лекарска помош. Едно лице било приведено.

извор