- Во соопштение на своите профили на друштвените мрежи, луѓето од ракометниот клуб Вардар 1961 го одбија предлогот за заедничка прослава на шампионските титули со братскиот ФК Вардар.
- Од ракометниот шампион на Македонија велат дека тие веќе пред извесно време го дефинирале датумот на својата прослава и веќе испратиле покани до сите свои играчи, тренери, управата на клуб, спонзори и ВИП личности.
- Прославата на РК Вардар 1961 ќе биде на 23-ти мај во сабота од 20.30 часот и велат дека тие нема да можат да присустваат на прославата која истата вечер ќе биде организирана од ФК Вардар во сабота после натпреварот против Шкендија кој почнува од 18 часот. Прославата на навивачите и ФК Вардар е планирана на „Школка“ во Градски парк по 20.30 часот. Ќе има музички настан со познат бенд, штандови со храна, пијалаци и многу реквизити.
- Од ФК Вардар имаа намера заедно со ракометарите и навивачите да направат голема прослава на која пред навивачите ќе бидат изведени двата шампионски трофеи.
- Словенечки скијач Бојан Крижај се ожени со својата долгогодишна партнерка, Шпела Жле. Двојката си кажала „да“ во саботата во Љубљанскиот замок, а церемонијата ја водел градоначалникот на Љубљана, Зоран Јанковиќ, пренесува „Журнал24“.
- Венчавката била прилично необична бидејќи се венчале во друштво на нивните пријатели Алеш Пелхан и Нина Макуц.
- Пелхан е поранешен координатор за нордиски дисциплини во Словенечката скијачка федерација, додека Макуц работи во Словенечката антидопинг организација. Немало други гости, туку меѓусебно си биле сведоци.
- Крижај е едно од најголемите имиња во словенечкото, а претходно и југословенското алпско скијање со најголеми успеси во 80-тите години, особено во слаломот.
- Даниел Малдини кој ја продолжи фудбалската семејна традиција и после дедо му Чезаре кој беше легендарен фудбалер, тренер и селектор на Италија, и татко му Паоло кој повеќе од 2 децении беше славен капитен на Милан, сега се соочува со проблеми.
- Фудбалерот од среден ред кој играше за Милан, Монца и Лацио а сега е во Каљари, во саботата постигна убав гол против Аталанта, но вечерта меѓу сабота и недела доживеал сообраќајна незгода.
- Тој возел во алкохолизирана состојба, а веќе му е одземена и возачката дозвола. Даниел Малдини на враќање од ноќен клуб се судрил со автомобил кој му одел од лева страна, откако фудбалерот не го пропуштил возилото кое во моментот имало првенство на минување. Во незгодата учествувале шест лица.
- Се шпекулираше дека новиот италијански селектор, Роберто Манчини ќе го повика Малдини на списокот репрезентативци за Лига на Нации но сега шансите за такво нешто се многу мали.
