- По комплетирањето на ждрепката, познат е целиосниот распоред во доигрување во машката ракометна Суперлига каде ќе се разигрува за места во еврокуповите и шампионската титула во Македонија.
- Во секое коло до крајот ќе има по една мега пресметка. Дерби дуелите Еурофарм Пелистер - Вардар 1961 се закаани за 2. коло во март кога црвено-црните гостуваат во Битола и за седмото коло во мај кога Битолчани доаѓаат во Скопје во натпревар кој би можел да ја реши шампионската титула.
- Во 1. коло Вардарци ќе играат против Алкалоид на гости а Еурофарм Пелистер оди кај Тиквеш во Кавадарци. Во истата рунда ГРК Охрид ќе му гостува на Бутел во Скопје. Разигрувањето почнува претстојниов викенд а ќе се игра до крајот на мај.
- Шпанскиот стручњак, Жозеп Марија Берокал и официјално го наследи Марјан Илиевски и веќе одржа два тренинга како селектор на македонската кошаркарска репрезентација.
- Првиот ангажман ќе го има во продолжение од претквалификациите за ЕП 2029, против Луксембург в петок и Азербејџан на 2 март.
- „Поврзан сум со македонската кошарка преку Владо Илиевски на кој му бев тренер пред 23 години. Му бев тренер на Војдан Стојановски во Украина, а некои ги знам од Шпанија. Среќен сум, знам дека нема да биде лесно, ќе биде долг процес, но ќе се обидеме да направиме максимум од овие играчи“, рече во дел од изјавата Берокал.
- Лидерот во македонската Супер лига, РК Вардар 1961 објави дека официјално се договорил со актуелниот репрезентативец на Србија и ракометар на Војводина Вукашин Воркапиќ.
- 28-годишното десно крило имаше импресивни настапи за тимот од Нови Сад кој со години држеше хегемонија во српскиот ракомет. Воркапиќ е официјално регистриран и може да настапува за РК Вардар 1961 во продолжение од сезоната и во европските предизвици, соопштија од таборот на црвено-црните.
- Договорот му важи до крајот на следната сезона 2027/2028.
