- Некогашниот македонски репрезентативец Филип Миркуловски ќе го води Вецлар, германскиот бундеслигаш до крајот од сезонава.
- Миркуловски и спортскиот директор Јасмин Чамџиќ добиле поддршка од управниот одбор да ја водат екипата откако стана јасно дека Хрвоје Хорват заминува од клупата на Вецлар (постојат гласини дека ќе го води Кил од скоро и дека тоа било причина што заминува).
- „Нема многу време да се воведат нови работи до крајот на сезоната, затоа оваа одлука е логична. Јас сум во Вецлар осум години, а Јаско уште подолго. Знаеме кои играчи што можат да сторат на теренот. Тоа е голема предност. Убеден сум дека ќе успееме како тим“, рекол Миркуловски.
- Вецлар има 13 бода и е 16-ти на табела во Бундеслига од 18 тима, на осум кола пред крајот со што го чека голема борба за опстанок.
- Навивачката група на ФК Шкупи, „шверцери“ излегоа со соопштение во кое тврдат дека имаат податоци дека во текот на минатата сезона претседателот на клубот заедно со дел од директорите кои повеќе не се во клубот манипулирале со некои натпревари за лична корист.
- „Вчера откако добивме информација дека пријателскиот дуел со Арсими се подготвува за местење за обложување, решивме во соработка со ФФМ да го откажеме“, велат „шверцери“ кои додаваат и дека Шкупи патува во Турција на подготовки но таму ќе намести уште еден натпревар и ги повикуваат сите надлежни органи под итно да интервенираат и да спречат овој срам да продолжи и понатаму.
Фото: Epa Images
- Лидерот на Вест Хем и бразилски репрезентативец Лукас Пакет конечно може да здивне. Регулаторната Комисија при Фудбалската асоцијација на Англија соопшти дека бил чист и дека се ослободува од секаква вина за сомнителни обложувања.
- Минатата година, 27-годишниот Пакета беше обвинет дека наводно намерно добивал жолти картони за време на четири премиерлигашки натпревари во периодот од ноември 2022 до август 2023 против Лестер Сити, Астон Вила, Лидс Јунајтед и Борнмут.
- Тој се сомничеше дека тој и негови пријатели и роднини од Бразил се кладеле на типови за жолти картони.
- Но истрагата не докажала ништо и тој е целосно чист и ослободен од секакво обвинение. „Од првиот ден на истрагата бев мирен зошто сум невин во однос на овие екстремно сериозни обвинувања. Сакам да кажам колку многу сум му благодарен на Бог и колку сакам што се враќам да играм фудбал со насмевка на лицето. Благодарам до жена ми, до Вест Хем Јунајтед, до навивачите, до моето семејство, пријатели и правиот тим кој ме поддржуваше, ви благодарам“, напишал Пакета
