- Најдобриот македонски кошаркар во моментов, Ненад Димитријевиќ споразумно го раскинал договорот со Валенсија која на својот сајт официјално објави дека му се заблагодарува на Нено за се што направи за клубот и дека сега тој е слободен играч.
- Димитријевиќ ја одигра сезоната 2022/2023 како позајмен во руски Уникс Казан со кого на убедлив начин ја освои титулата пред фаворитите ЦСКА Москва и Санкт Петербург, а македонскиот репрезентативец беше најдобар во финалето и заслужено ја доби МВП наградата.
- Во последно време се зборува дека сјајниот плејмејкер би можел кариерата да ја продолжи во белградски Партизан, клуб за кого Димитријевиќ изјави дека навива и дека би сакал да ја доживее таа атмосфера како играч.
- Вечерва од 20:45 часот во салата „Боро Чурлевски“ во Битола македонскиот првак Еурофарм Пелистер ќе го пречека германскиот гигант Магдебург кој е актуелен европски шампион во Лига на шампиони.
- Магдебург е совршен во Лига на шампиони со 8/8, апсолутен лидер е на табелата во групата на Битолчани така што вечерва Пелистерци ќе играат за чест и гордост.
- Зелено-белите досега во Лига на шампиони на осум натпревари има само две победи и дури шест порази. Тренерот на Еурофарм Пелистер Рубен Гарабаја изјави дека ќе се борат а голема борба најави и најдобриот играч сезонава кај Битолчани Богдан Радивојевиќ.
- Не треба да се потсетува дека салата ќе биде полна како и секогаш.
- Прилично очекувано, Светската фудбалска организација (ФИФА) донела одлука да му ја тргне суспензијата од 2 натпревари на Кристијано Роналдо кој требаше да ги доотслужи казна на претстојното Светско првенство 2026 во САД, Мексико и Канада. Одлежа еден натпревар од казната, но нема да мора уште два.
- Португалецот доби црвен картон на дуелот Ирска - Португалија (2-0) откако намерно го удри со лакт противничкиот фудбалер Дара О'Ши. За вакво дело во правилникот на ФИФА јасно и гласно стои дека играчот добива суспензија од 3 натпревари. Кристијано отслужи 1 натпревар казна, против Ерменија кога Португалија славеше победа 9-1.
