- И покрај тоа што е тинејџер, Ламин Јамал е веќе дел од листата на топ 10 фудбалери во светот со најголема заработувачка, стои во американскот бизнис магазин Форбс.
- Се проценува дека асот на Барселона годинава ќе ја заврши со вкупно 43 милиони долари, односно 33 милиони од плата и уште 10 милиони од спонзори. Со овие суми тој е рангиран на 10-то место.
- Прв се разбира е Кристијано Роналдо, кој го обдуја Арапите од пари. Кај него во банка годинава ќе легнат енормни, нереални и претерани 280 милиони долари или 230 милиони од плата и уште 50 од комерцијални договори.
- Втор на листата е Меси со вкупно 130 милиони, па Бензема со 104. Потоа следуваат Мбапе (95), Халанд (80), Винисиус (60), Салах (55), Мане (54) и Билингем (44). Најплатените 10 фудбалери годинава ќе заработат вкупно 945 милиони долари.
- Предводниците на Шкендија уште еднаш го допреа дното, откако со срамна фотографија го најавија дербито со Вардар, закажано за в сабота во Гостивар, преку која го навредија противникот, ФФМ, но пред сè сите христијани во Македонија.
- Според теолозите, ваквата презентација на светиот христијански симбол е огромна навреда, особено кога доаѓа од претставници на друга религија.
- Објавувањето на превртен крст со цел да се навреди христијанството е строго забрането според самото исламско учење. Но, навредувачите од тетовскиот тим не знаат дека со ваквото омаловажување на крстот како верски симбол истовремено направиле и грев во својата исламска вера, пишува Спорт1.
- Селекторот на македонската репрезентација, Кирил Лазаров, го објави поширокиот список од 35 ракометари кои ќе конкурираат за настап на почетокот од квалификациите за Европското првенство во 2028 година.
- Од оваа група, стручниот штаб дополнително ќе избере 16 ракометари кои ќе ги одиграат двата воведни натпревари. Првиот квалификациски дуел е закажан за 4 ноември (19 часот), кога Македонија ќе го пречека Луксембург, додека четири дена подоцна (8 ноември во 16 часот) нашиот национален тим ќе гостува кај Грција во градот Халкида.
- Прв повик доби натурализираниот Украинец, кој настапува за Пик Сегед Дмитро Хориха, како и Мартин Томовски кој брани одлично за Битигхајм. Сите други ракометари се од домашното првенство.
