Offside › Набрзинка

Има ли АМС слух за Гешоски и Мутибариќ?

16 август 2023

Поранешниот македонски кошаркар и тренер Стеван Гешоски живее во најтешки моменти од животот. Во исповед за Слободен печат, 66-годишниот Гешоски кој има две сребра од Медитерански Игри со селекцијата на поранешна Југославија, вели дека нема редовни примања и дека пати од тешко боледување.
„Апелирам до Агенцијата за млади и спорт и до државните органи да сторат нешто, како за мене така и за други слични случаи. Еден од нив е и Драган Мутибариќ, легендарниот голман. И тој е во слична ситуација и нашиот проблем треба да се реши без големо оптоварување на буџетот, за да живееме достоинствено“, вели Гешоски.

5 ноември 2024

Поранешниот капитен на македонската фудбалска репрезентација Гоце Седлоски и официјално седнува на жешкото столче на ФК Вардар.
Тој ќе има многу тешка задача, а тоа е да го извади од криза тимот кој е последен на табела, нешто што не им успеа на Горазд Михајлов, Горан Петрески и Срѓан Захариевски.
Седлоски го водеше Вардар во периодот 2015-2017 и освои две шампиони титули, а играше и во квалификациите за ЛШ.

4 ноември 2024

Срѓан Захариевски од денес не е повеќе шеф на стручниот штаб на ФК Вардар. Веста ја објави клубот на Твитер.
Тој беше третиот тренер на црвено-црните оваа сезона. Новата сезона Вардар ја стартуваше со Горазд Михајлов кој ги водеше од средина на минатата, а на 19 август беше назначен Горан Петрески.
На 2 септември дојде Срѓан Захариевски кој имаше реми со Гостивар, победа над Тиквеш, а потоа шест порази во низа во домашното првенство, вклучително синоќешниот на гости против големиот ривал Пелистер.
Ситуацијата во Вардар е повеќе од алармантна, со оглед на тоа што клубот е последен на табелата со 8 бодови и 6 порази на последните 7 средби. Ова е најлош старт за најпознатиот спортски бренд во историјата на мак фудбалот.