Offside › Набрзинка

И владиката Јосиф со поддршка за ФК Тетекс и ФК Љуботен

17 август 2023

Владиката на Тетовско-гостиварската епархија при МПЦ г. Јосиф испрати соопштение до јавноста во кое изразува целосна и безрезервна поддршка на јавниот апел за рамноправен третман на фудбалските клубови Тетекс и Љуботен од Тетово.
Демократијата не завршува кога ги остварувате Вашите права, а почнува онаму каде започнува Вашиот интерес и за правата на другиот“, се вели во соопштението на Тетовскиот-гостиварската епархија.
Во меѓувреме имаше соопштенија и од ФК Тетекс и одговор од општина Тетово која им одговори дека само тимови од Првата лига можат да играат на градскиот стадион.

Од Тетекс веднаш одговорија со прашања: „До господата од општина Тетово, на кој стадион играше Шкендија како второлигаш? На кој стадион играше Ренова како второлигаш? Неколку натпревари на Градскиот стадион одигра и клубот Руфеја од Милетино како второлигаш. Скендербег од Порој и Чаклани од Палчиште исто играа на Градскиот стадион во Тетово во Купот на Македонија, како и баражите за пополнување на 2. лига.“

извор

На Англија и ја украле цела опрема за тренинг на Светско

13 јуни 2026

Полицијата во Канзас Сити каде што е базата на англиската репрезентација, потврдила дека две лица се уапсени откако од специјалното возило ја украле целата опрема на Англичаните. Украдени биле топки и целокупна опрема за тренинг.
Локалната полиција го истражува целиот случај кој се случил додека репрезентацијата се спремала за транзит од Флорида во Мисури, пишува Индепендент.
„Две лица се притворени додека трае понатамошната истрага“, вели полицијата во Канзас Сити.
Возилата кои ја пренесуваат опремата биле скршени, во нив се провалило и била украдена целокупна опрема.
Англија во среда ќе го отвори својот настап на Светското против Хрватска во Далас. Во Мисури престојуваат неколку репрезентации меѓу кои Аргентина, Холандија и Алжир.

извор

Горан Пандев ќе игра на „Сантијаго Бернабеу“

12 јуни 2026

Најголемиот македонски фудбалер според многумина, Горан Пандев ќе биде дел од големиот хуманитарен спектакл кој ќе се одржи на стадионот „Сантијаго Бернабеу“ во Мадрид. Ќе играат едни против други ветераните на Интер против ветераните на Реал Мадрид на традиционалниот натпревар „Корасон Класик“.
За Интер кој во 2010-та година токму со Пандев во составот ја освои Лигата на шампиони на овој стадион, ќе играат уште и Хавиер Занети, Естебан Камбијасо, Маикон, Лусио, Џампаоло Пацини, Родриго Паласио, Давид Суазо, Антонио Кандрева и многу други асови на „нераѕурите“.
Од клупата тренер на Интер ќе биде Џузепе Бергоми а со него ќе биде и Франческо Толдо.

извор