Offside › Набрзинка

Доживотна суспензија за тепачите на Беса Слупчане

29 октомври 2025

ФФМ донесе одлука за доживотна суспензија на Орхан Демири и Ердин Арифи од ФК Беса Слупчане, поради физички напад и обид за линч на противнички фудбалер по завршување на натпреварот ФК Беса Слупчане – ФК Аеродром, одигран во рамки на 8. коло од Третата лига – Север.
Домашниот терен на ФК Беса Слупчане се суспендира на 10 натпревари. Истовремено, ФК Беса согласно дисциплинскиот правилник е должен да плати и парична казна.
„Во фудбалот нема место, ниту милост за оние што се подготвени да тепаат, линчуваат и го нарушуваат угледот на фудбалот“, стои во соопштението на ФФМ.

Македонска дива лига во 8 секунди

извор

Јокиќ би можел да се пресели кај Дончиќ во ЛА Лејкерс

21 август 2026

Познатиот НБА зналец Ентони Ирвин смислил теорија според која не би било невозможно Никола Јокиќ да му се приклучи на неговиот добар пријател Лука Дончиќ.
Со оглед на тоа што Денвер Нагетс не покажува ни малку амбиции во последниве години, се откажува од носителите на играта а не носи сериозни засилувања, идејата на Јокиќ до крајот на кариерата да остане во Колорадо би можела да се смени.
„Врската со Лејкерс е многу јасна. Тоа е Дончиќ кој е голем другар со Никола. Исто така можноста на нивен заеднички пик-ен-рол би била навистина уникатна. Двајцата можеби гледаат кон 2028-ма кога би можеле да донесат серија одлуки која би довела до тоа да заиграат заедно“, вели Ирвин.
Србинот има договор со Денвер Нагетс вреден 276.000.000 долари потпишан во 2022 што значи дека ќе има играчка опција пред сезоната 2027/2028 односно да бира дали ќе остане, ќе потпише побогат договор или ќе замине како слободен агент.
„Ако Лејкерс ослободат простор во селари-капот и сфатат дека можат да тргнат по Јокиќ, може да им речат на Нагетс, еј слушајте или заедно ќе работиме на трејд кој ќе биде добар и за вас или ќе почекате да стане слоободен играч и да ризикувате да замине без надомест. Слабеење на играчкиот кадар на Денвер Нагетс е добра вест за ЛА Лејкерс“, вели Ирвин.

извор

Само во мак фудбалот може да се случи вакво нешто

21 август 2026

Дисциплинската комисија на ФФМ ги објави одлуките по натпреварите од Првата и Втората македонска фудбалска лига.
Пазете го ова: Струга заврши на дисциплинска постапка зашто не обезбедила паркинг простор за гостинскиот автобус пред мечот со Вардар, а исто така имала и несоодветно обележување на теренот.
Дисциплинска постапка ќе се води и против Тиквеш затоа што имале слаба организација, било фрлено шише со вода на терен и се скандирало на национална основа.

извор