Offside › Набрзинка

Бидна и тоа, првото дете во Неапол крстено по Грузиецот

7 април 2023

Наполи игра неверојатна сезона и е близу до остварување на сонот скудето кој 33 години го сонува цел град.
Неапол последен пат се радуваше на шампионска титула во 1990-та година кога Диего Марадона им донесе скудето.
Овојпат играат блескава сезона, имаат 16 бода повеќе од второпласираниот и речиси е извесно дека ќе станат шампиони. Најзаслужен за ова е тандемот Осимен-Кварацкхелија.
Грузиецот кој е најпријатно изненадување во цела Европа и игра неверојатен фудбал со многу голови и асистенции, веќе е идол во Неапол, па така еден пар решил на новороденото бебе да му го даде името Квича по грузискиот репрезентативец кој го гледавме и во Скопје. Родителите Армандо и Клара добиле здраво машко дете на 31 март во клиниката „Света Патриција“ и решиле да го крстат Даниеле Квича.

🚨 È SUCCESSO!

A #Napoli è nato il PRIMO BAMBINO di nome Khvicha, in onore di #Kvaratskhelia!
— Salvatore Amoroso (@salv_amoroso) April 7, 2023

14 септември 2026

Завршувањето на УС опен донесе големи промени на АТП-листата, а најголемо внимание предизвикува падот на Новак Ѓоковиќ. Српскиот тенисер од денеска повеќе не е меѓу десетте најдобри тенисери во светот.
Јаник Синер останува прв со 11.500 бодови, но неговата предност пред Александар Ѕверев е значително намалена. Германецот по освојувањето на Отвореното првенство на САД стигна до 8.990 бодови и дополнително се доближи до лидерската позиција.
Карлос Алкараз ја задржа третата позиција со 5.560 бодови.

12 септември 2026

ФК Тетекс утрово информираше дека Даниел Николовски го загубил животот во сообраќајна несреќа која се случила во текот на ноќта.
Тетовскиот клуб ја потврди тажната вест за прераното заминување на 21 годишниот играч, кој беше нераскинлив дел од екипата.
Николовски ги имаше поминато сите младински категории на Тетекс, по што својата кариера и верност кон клупските бои ја продолжи настапувајќи и за сениорскиот тим.