За време на инцидентот меѓу Турција и Грузија, 24 секунди од играта отидоа курбан

Селекцијата на Грузија ја доби Турција во Тбилиси со 88:83 после две продолженија. Мечот донесе голема тензија, судир на паркетот, тепачка после мечот, исклучување на турскиот селектор, но и кикс на организаторот кој не стисна пауза на семафорот.

Страстите почнаа да се разгоруваат на околу 5 минути до крајот кога во клинч влегоа Фуркан Коркмаз и Дуда Санадѕе.

За време на нивниот судир, организаторот на мечот беше должен да го прекине времето, но тоа течеше во периодот од 4:48 до 4:26.

Ова е моментот од кој за влакно турканиците не се претворија во тепачка. 

Втората епизода се случи на 20 секунди до крајот откако при досудената техничка за Турција, селекторот Ергин Атаман доби и исклучување.

Тој во нервоза му се сипа на судијата, но членови на неговиот стручен штаб спречија поголем инцидент и го отстранија од терен. 

Турците испратиле жалба за „украдените“ 22 секунди и се заканија дека ќе го напуштат првенството доколку не се покажат снимки од „третото полувреме“ со кои би се докажал уште еден инцидент кој наводно се случил по завршувањето на мечот.

Тврдат дека тројца грузијски кошаркари го нападнале Коркмаз пред соблекувалните.

Опис на инцидентот на Твитер даде турсниот новинар, Исмаил Шенол:

„Кога Коркмаз беше исклучен, тргна кон соблекувалната со кондицискиот тренер Ерен Хангун. Во тие моменти Битадѕе, Шенгелија и Санадѕе ги нападнале, заедно со припадници на обезбедувањето. Ситуацијата ескалирала кога Ерен тргнал да го брани Фуркан од четворица напаѓачи.

5 септември 2022 - 14:44

Штета ако сте пропуштиле

Македонија, новото американско-руско бојно поле

Битка за името

Ако не сте женети, размислете за Бугарка

Опеан ли ви е кровот?