Многу загубени топки (18), лоша одбрана и премногу лесно примени поени и лоша реализација (мизерни 1/23 за три поени) се причина за поразот кај босанскиот шампион.
За разлика од претходните натпревари, вечерва потфрли и Гечевски кој постигна само два поени, исто колку и новото засилување, Оташевиќ. Единствено на висина на задачата беа Дамјан Стојановски и Чековски кои постигнаа по 14 поени, а Николиќ уфрли 10.
Кошаркарите на МЗТ беа рамноправен противник само во првите минути, а потоа домаќините ја презедоа иницијативата и во продолжението константно ја зголемуваа преноста. На крајот Игокеа славеше со 79:55.
Во следното коло МЗТ гостува во Задар.
