Хјустон Рокетс синоќа го совлада Лос Анџелес Лејкерс со 125:112, но поразот на Лејкерски е во втор план, поради историскит чин кој ќе остане запишан во историјата на НБА лигата.
На искусниот плејмејкер Стив Неш му недостасуваа само 5 асистенции за да влезе во историската петорка на кошаркари кои имаат постигнато над 10 000 асистенции.
И покрај поразот на Лејкерски, Неш постигна 16 поени и 10 асистенции и со тоа ја достигна бројката од 10 005 асистенции. 38 годишниот плејмејкер беше шест години дел од тимот на Далас Маверикс, а најголем белег остави како лидер на Феникс Санс каде настапуваше осум сезони.
Ветеранот кој е познат по големите вештини како фантастичен асистент, од минатата година е дел од екипата на Лос Анџелес Лејкерс.
Топ 5 асистенти во историјата на НБА лигата:
1.Џон Стоктон 15 806
2.Џејсон Кид 11 969
3.Марк Џонсон 10 334
4.Меџик Џонсон 10 441
5.Стив Неш 10 005
Погледнете ги најатрактивните 10 асистенции на Стив Неш
