Сезоната ја отвораат Бостон и Њујорк во 1:30 после полноќ по Средноевропско време а во 04:00 наутро ќе играат ЛА Лејкерс и Минесота.
НБА лигата, најдобра и најгледана на цел свет, и овојпат нуди интересни пакети за преносите кои одат преку нив. Со набавка на таканаречениот League Pass може да бирате која опција ја сакате:
- годишна членарина чини 109 евра (околу 9 евра месечно);
- Премиум членарина чини 149 евра но овозможува гледање од три различни места во исто време, што значи може да се дели меѓу три лица;
- има една недела гратис за бесплатно следење преноси од натпреварите;
- вкупно може да се гледаат 1.340 натпревари: регуларна сезона + НБА Куп + Ол Стар + Плеј Ин + Плејоф + Финалната серија;
- сите натпревари може да се гледаат директно или со одложување (снимање);
- 10 минути од најдобрите моменти од секој меч;
- архива за гледање на сите финалиња од 1990-та до 2024-та;
- архива на сите 150 најдобри натпревари од секоја епоха;
- можност да се гледа НБА ТВ 24 часа;
- пристап до апликација;
- сите студенти и ученици имаат право на 40% попуст на месечната членарина (важи за САД).
