Лејкерс им го нанесе четвртиот пораз на Голден Стејт сезонава 115:105.
Во отсуство на Коби Брајант, тренерот Бајрон Скот немаше Брајант шоу и рамномерно ги подели минутажите и поените на сите играчи, па дури седум кошаркари имаа двоцифрен број на поени. Карлос Бузер со 18 поени, 9 скокови и 3 асистенции беше најефикасен кај „езерџиите" кои имаа 10 асистенци повеќе кога Коби не беше во тимот. Капитенот ќе се врати за божиќниот дуел против Чикаго Булс во среда вечер.
Рони Прајс имаше 17 поени и 8 асистенции, а младиот Ник Јанг додаде 15 поени. И покрај поразот, Вориорс со учинок 23:4 и натаму се најуспешна франшиза во лигата. Стефон Кари беше прв стрелец против „воините“ со 24 коша и 7 асистенции.
Гостин на дуелот во Лос Анџелес беше Владе Дивац, кој на полувремето погоди кош од пола терен вреден 90.000 евра за хуманитарни цели:
------------------------------------------------------------------------------------
Навивачите на Атланта Хокс преку банери и пароли побараа од градските власти да му ги дадат клучевите од градот на тренерот Бауденхолцер, затоа што екипата ја игра најдобрата сезона во последните две децении. ДеМар Керол од Атланта уфрли највисоки во кариерата 25 поени, Ал Форфорд додаде 20 во триумфот на Хокси против ЛА Клиперс 107:104. Перо Антиќ мечот го одгледа од клупата за резеви, а кај Клипери водечки стрелец беше Блејк Грифин со 21 поен, 8 скокови и дури 11 асистенции.
Потегот на вечерта во Атланта го имаше Мол Милсап:
------------------------------------------------------------------------------------------
Демијан Лилард буквално ја растури Оклахома, затоа што им даде 40 поени (8 тројки од 12 шута), вклучувајќи ја и онаа со која на Портланд му донесе продолжение во последната секунда и победа од 115:111. ЛаМаркус Олдриџ даде свој придонес со 25 коша и 9 скокови.
Сличен кош со звукот на сирената Лилард сезонава им даде и на Хјустон Рокетс:
-------------------------------------------------------------------------------------------------
Кливленд славеше против Минесота 125:104, но го загуби Андерсон Варежао, кој се повреди и при излегувањето од паркетот не можеше да згазне на левата нога. Најефикасен кај Кавалерси беше Кајри Ирвинг со 29 поени (12-19 од игра), а „Кралот" Џејмс уфрли 24 коша, 4 скока и 3 асистенции. Кевин Лав даде 20 поени во првиот натпревар против својот поранешен состав.
Ендру Вигинс, првиот пик на драфтот годинава, на екипата која го трампаше летово ѝ даде 27 коша (9-16 од игра). Дијенг со 20 погодоци и 11 скока имаше уште една добра партија за волците од Минесота.
Првиот пик на драфтот Вигинс го „залепи“ Кевин Лав на постер:
----------------------------------------------------------------------------------------------
Во најефикасниот натпревар синоќа, Феникс го совлада Далас во дербито 124:115 и стигна до 4-та победа во серија. Ерик Бледсо запиша нов трипл-дапл со 16 поени, 10 скокови и 11 асистенции. Сепак, „сонцата" до победата ги носеше Словенецот Горан Драгиќ со 25 коша, на кого Бледсо му го „украде“ последниот скок за трипл-даблот:
Маверикси ги имаа Тајсон Чендлер со 22 поени и 14 скокови и Дирк Новицки со 22 коша.
Резултати НБА:
Кливленд - Минесота 125:104
Индијана - Њу Орлеанс 96:84
Орландо - Бостон 100:95
Вашингтон - Чикаго 91:99
Атланта - ЛА Клиперс 107:104
Бруклин - Денвер 102:96
Мајами - Филаделфија 87:91
Милвоки - Шарлот 101:108
Оклахома - Портланд 111:115 после продолжение
Феникс - Далас 124:115
ЛА Лејкерс - Голден Стејт 115:105
