Дебитантската сезона во регионалната кошаркарска АБА лига, МЗТ Скопје ја заврши на 7-та позиција со 14 победи и 12 порази.
Во последното коло МЗТ победи на гостувањето кај крка, но заради победата на Цедевита над Широки, македонскиот шампион за малку не успеа да избори пласман во Европкупот.
По неизвесното прво полувреме кое им припадна на домаќините со 40:38, МЗТ дојде до победата благодарение на одличната игра во второто полувреме. Уште на стартот од вториот дел МЗТ направи голема серија, и во продолжението само ја одржуваа големата предност.
МЗТ на крајот триумфираше со 68:80, а повторно предводници беа Чековски со 26 и Гечевски со 20 поени.
На фајнал-фор турнирот од АБА лигата, пласман изборија екипите на Игокеа, Црвена Звезда, Раднички и Партизан.
