Актуелниот шампион на НБА го доби Лос Анџелес Лејкерс со 101:99 и тоа со шут во последните секунди кој го изведе Џамал Мареј.
Леброн Џејмс и бандата испуштија златна шанса за брејк, бидејќи на полувреме имаа предност од 15 поени разлика, а во третата четвртина +20.
Нагетси практично беа во негатива цел натпревар и првата предност ја остварија токму со последните поени за победа и водство од 2:0.
Никола Јокиќ одигра нова блескава партија со 27 поени, 20 скока и 10 асистенции.
Мајкл Портер Јуниор мечот го заврши со 22 поени, а Мареј имаше 20 поени и 6 асистенции.
Кај Лејкерси најдобар беше Дејвис од 32 поени и 11 скока, а Леброн Џејмс оствари учинок од 26 поени, 8 скока и 12 асистенции.
Следните два меча се играат во Лос Анџелес.
WHAT A BUCKET. THIS IS JAMAL MURRAY EVERYONE. 🏹 pic.twitter.com/xfihf0lXAe
— Denver Nuggets (@nuggets) April 23, 2024
