75 години НБА со најдобрите 75 во историјата

Спектакуларниот Ол Стар во Кливленд на кој царуваше Стеф Кари со 16 тројки и вкупно 50 поени, беше зачинет на полувреме со голема јубилејна претстава со најголемите. На една бина се појавија од 27 годишниот Јанис Антетокумбо, па се до 89 годишниот Боб Петит, прв во историјата со 20.000 поени.

На полувремето од натпреварот можеше да се забележи колекција од најдобрите 75 играчи во историјата, избрани со гласање на избран комитет од играчи, тренери, директори и медиуми.

Се појави и Боб Петит, шампион од 1958, прв во историјата со 20.000 поени, како и 11 пати учесник на Ол Стар игрите. Има 89 години, ама дојде на церемонијата.

На презентацијата беа преставени 75-те најдобри според позиции: крила, центри и бекови. Се појавуваа еден по еден на црвениот тепих, облечени елегантно со знакот НБА 75 на палтата.

Beyond humbled and honored to stand beside the other members of #NBA75 https://t.co/TB5iWILeOl
— Carmelo Anthony (@carmeloanthony) February 21, 2022

Чарлс Баркли, Кармел Ентони, Доминик Вилкинс и ред други во првата група. Потоа Патрик Јуинг, Дејвид Робинсон, Боб Мекаду, Бил Валтон, а потоа плејмејкерите Ален Ајверсон, Крис Пол, Реџи Милер...

Последните тројца играчи од секоја група беа миленикот на градот домаќин Леброн Џејмс, Карим Абдул Џабар и Мајкл Џордан. Беа присутни во сала 45, бидејќи дел се починати, а некои испраќаа пораки преку видео бим.

Прекрасна и носталгична прослава од историјата на НБА во која најголемите овации ги добија Џордан, Џејмс и се разбира Коби Брајант како една незаборавна легенда која требаше да биде тука.