Фудбал

Вакво нешто против Арсенал после се раскажува

Арсенал го совлада Лестер 4-2 со два гола во длабоко судиско продолжение во 90+4' и 90+9' минута по автоголот на Ндиди и Каи Хаверц. Ама претходно на 2-2 израмни десниот бек Џејмс Џастин со прекрасно волејиште.

Каква мајсторија на Лазар Самарџиќ

Дваесет и две годишниот фудбалер на Аталанта и српски репрезентативец Лазар Самарџиќ со прекрасен гол од далечина му донесе бод на тимот од Бергамо (1:1) во последни моменти од гостувањето кај Болоња.

Историски настан се случи во Премиер лига: фудбалер на Челси даде 4 гола за 20 минути

Педантните статистичари понекогаш досаѓаат со секакви рекорди, ама она што го направи фудбалерот на Челси Кол Палмер во саботата беше нешто невидено во Премиер лига и општо ретко во фудбалскиот свет.

Фудбалер на Војводина направи најглуп пенал на сезоната

Во натпревар од српската Супер лига, Војводина и Раднички Ниш одиграле 3-3. Гостите стигнале до бод со гол буквлано во последни секунди, во 95-та минута од судиско продолжение. А момент на мечот кој го обиколува светот е пеналот кој го направил 22-годишниот стопер на Војводина Сеид Корач. Инаку е репрезентативец на Луксембург. Невидена глупост!

Можеби најјак гол во историјата на Копа Либертадорес

Атлетико Миниеро - Ривер Плејт, четвртфинале во Копа Либертадорес 2021. Мајсторот се вика Матиас Сарачо. Што е ова младичу? Пеле и Марадона немале ваква завршница пред гол.

Пулишиќ на тешки маки да одбере меѓу легенди на Милан

Кристијан Пулишиќ не го дава Кака за жива глава, ама на крај се сменија работите и стигна до феноменот.

Стар волк е тој

Жозе Мурињо летово стана тренер на Фенербахче. Ги доби саканите засилувања и сезоната му тргна добро. Освен тешкиот и болен пораз од најлутиот ривал Галатасарај 3-1. На табела во Турција после 6 кола Галата е прв со 18 бода а Фенербахче втор со 13. Има уште многу да се игра. Знае и Мурињо за тоа. Новинарите го прашале што е тоа „ефект Мурињо“?

25 години од најлудиот волеј во Серија А, на гол е Буфон

Кој следи италијанско од златните времиња, не може да ја заборави бомбата на Матијас Алмеида од 40 метри која на 26 септември 2024-та, наполни 25 години. Турам божем расчистува, ама топката му легнува на Алмеида како на баба пензија на први. Немоќен Џиџи Буфон.

Миралем Пјаниќ одби да игра со Русија, ама слатки му се руските пари

Поранешниот репрезентативец на БиХ, Миралем Пјаниќ е нов член на ЦСКА Москва. Љубителите на фудбалот во Русија потсетија на еден негов потег со кој самиот се ставил во незгодна ситуација.

Вечер за паметење во Монтевидео, Пењарол прв пат после 37 години во полуфинале на Копа

Чуда се случуваат сезонава во Копа Либертадорес. По големиот Ботафого кој после верувале или не цели 51 година се пласираше во полуфинале на најважниот клупски фудбалски турнир во цела Јужна Америка, сега и Пењарол од Уругвај тргна по тој пат.

Флик е цар, ги учи Шпанците каде да се позиционираат за автограм

Му тргна одлично со Барса, има 7 од 7 во првенство. Ама човекот изгледа размислува во простор и кога не е на работа. Погледнете го фино лепо како им ја објасни тактиката на навивачите, каде треба да го чекаат.

Ќе има време да му ја мисли

По крајот на мечот Еспањол - Виљареал во шпанска Ла Лига кој гостите го добија 1-2, некој гневен навивач со чаша го гаѓал главниот судија Алехандро Кинтеро Гонзалес. За малерот по него да биде поголем, судијата инстиктивно крева поглед и точно гледа кој замавнал. Виновникот веднаш е лоциран, најден и го чека драстична казна. Еспањол најави дека ќе го суспендира доживотно од трибините, а и судијата поради катастрофално судење ќе биде оладен од федерацијата на неколку натпревари.

Нестварна сцена во бугарскиот фудбал, таксист кружеше зад гол

Пожарна мора да има, амбуланта исто, како и редарска служба и полиција. Ама што прави таксистов на сред прволигашки натпревар меѓу Септември Софија и Софија 1948? Да не го утнал патот? Или па можеби е на повик човекот на сред стадион? И во студио се чудат.

Кејн дава голови и снима реклами

Откако снимил реклама за Ауди, капитенот на англиската репрезентација и лидер на Баерн Минхен сега снимал и за некоја позната компанија која произведува овесна каша со седиште во Минхен.

Варан објави видео со кое му се заблагодари на фудбалот

Францускиот дефанзивец кој остави силен печат во Реал Мадрид и каде за 10 сезони успеа да прослави дури 18 трофеи, синоќа соопшти дека на 31 година прекинува со фудбал после тешка повреда на коленото. Ова се најубавите мигови од него спакувани во 2 минути.

Мистеријата од северот на Европа

Норвешкиот трикратен првак Бодо Глимт кој доаѓа од крајниот север на Норвешка, направи ново чудо во еврокуповите откако го совлада 40-кратниот шампион на Португалија, гигантот Порто со 3-2 иако од 51-ва минута играше со играч помалку.

Чудниот почетен удар на Камп Ноу и мајтапот на Левандовски

Барселона го доби Хетафе 1:0 и врза 7 победи по ред, во 7 кола во Ла Лига, со голот број 7 на Левандовски. Издвојуваме и видео во кое искусниот полски напаѓач се мајтапи со својот чувар. Гостите го изведоа почетниот удар на необичен начин.

Сврти се ко човек Бобо, не ги штеди очите

И после не чинело италијанско. Дилета Леота да се пензионира во Серија А. Немате ништо против така?

Ериксен, секоја чест маестро

Манчестер Јунајтед уште еднаш, по којзнае кој пат ги разочара своите навивачи откако синоќа одигра само 1-1 против холандски Твенте во 1. коло од Лига Европа. Јунајтед поведе прв преку Данецот Кристијан Ериксен кој постигна прекрасен гол во 35’ минута. Твенте израмни преку Сем Ламерс во 68-ма минута.

Шоу на дербито во Џенова, Сампдорија победи на пенали

Големите стари градски ривали Џенова и Сампдорија во 2. рунда од Купот на Италија одиграа 1- 1 па после продолженија стигнаа до пенали. Џенова прва поведе преку шпицот Пинамоти во 9’ минута а Сампдорија израмни преку ветеранот Фабио Борини во 83-та минута. Сампдорија во судиско продолжение имаше исклучен играч кога Симоне Ромањоли доби црвен картон. На крај токму Дорија славеше на пенали за огромна радост на своите тифози.

Едниот на костозглобна, другиот по цигари

Манчестер Јунајтед одигра само 1:1 против Твенте во првото коло од Лига Европа. Одиме веднаш со потегот на вечерта во режија на Лисандро Мартинез. На мал простор изремети двајца противници.

Додека е тој селектор на Турција, Фенербахче нема да праќа играчи за репрезентација

На пријателска средба во Истанбул, пред почеток на сезоната во Евролига, Панатинаикос со 85-56 го совладал Галатасарај. Тренерот на европскиот шампион Ергин Атаман во минатото го водеше Галатасарај, па домашните навивачи го поздравиле. Тој им вратил со гестикулирање 1-3 како асоцијација на големиот триумф на Галатасарај во фудбалското дерби против Фенербахче. Ова до таа мера ги налутило луѓето од Фенер што решиле веќе да не пуштаат свои играчи во репрезентацијата на Турција додека Атаман е селектор.