Генијалниот потег на денот, неделата и месецот го има Жоао Нунес од Легија Гдањск. На финалето во полскиот Куп дечкото изведе аут и со тоа успеа да направи нов аут за противникот. Цар.

Колегата на Елмас, Хасан Али Калдарим го доби признанието за најубав гол на сезоната 2018/2019 во турскиот фудбалски шампионат. Се работи за левица испукана како од топ со која му израмни на Бешикташ на 3:3. Џабе се џиткаше голманот.

Со двата брзи гола на Лаказет и погодокот на Обамејанг во 90-та минута Топџиите направија целосен пресврт и обезбедија фина предност пред реваншот на Местаља. Челси има позитивен резултат од гости, а тоа значи дека можно е да гледаме лондонско дерби во финалето на ЛЕ.

Денешниот ден со право е посветен за најголемиот на сите времиња според многумина. Интересна е сторијата околу неговите тетоважи и како првпат решил да се црта.

Во овие набиени празнични денови ни кидна една многу важна вест која ептен имаме ќеиф да ја објавиме. Се шегуваа со него, ама дечкото си направи кариера за почит. Клубот му се викаше Манчестер Јунајтед, а тренерот Сер Алекс Фергусон. 10 години – 14 трофеи. Фала многу пријатно.

Двете легендарни англиски фудбалски имиња синоќа урлаа на голчиштето на Меси постигнато против англиски тим. Тука не се работи за навивање за едниот или ситење против другиот, туку за воодушевување за тоа што го прави овој немилосрден човек во Барселона.

Серо Портењо и Спортиво Сан Лоренцо во Парагвај. Домаќините водат 1-0 и во 76' минута судијата им признава тотално непостоечки гол на гостите за 1-1. Снимката покажува дека топката цел метар е надвор од голот.

Возбудливото полуфинале меѓу Барселона и Ливерпул според сериозноста на шансите не требаше да заврши 3:0. Ќе си земеме за право да кажеме дека Салах и Дембеле се посрамотија во финишот. Ливерпул можеше да брка 2 гола негатива, ама и 4.

Секој љубител на спортот треба да биде среќен што живее во исто време со еден од најдобрите фудбалери откако се игра оваа игра. Пред 14 години на 1 мај 2005 година 17 годишниот Лионел  прво во 88' минута влезе во игра наместо Ето, а 3 минути подоцна на асистенција на Роналдињо против Албасете го постигна дебитантскиот гол за Барселона. Синоќа на 1 мај 2019 го даде 600-от гол за Каталонците, против Ливерпул во полуфинале на ЛШ.

Вирџил ван Дајк во еден дуел се обиде да му ја земе на Меси, ама пустиот знае дека си има работа со најдобриот фудбалер во светот па викаше помош од пријател.

Кога ќе тргне во налет па не Милнер косачот, не Ван Дајк најдобриот стопер во Премиер лига, не Хендерсон... Кој сака нека му се испречи на патот, Меси ќе најде начин да стигне до топката.

Лудата каталонска вечер започна уште пред стартот на мечот со Ливерпул, кога на сите трибини од Камп Ноу се крена фасцинантна изведба од навивачите.

Шпанскиот шампион Барселона е на чекор од големото финале во Лига на шампиони, откако вечерва на „Камп Ноу“ му одржа лекција по фудбал на Ливерпул. Боженствен гол на La Pulga од 30 метри.

Во ситуација кога на своето дете не знаете како точно да му објасните за што станува збор, целата работа ја преземаат неговите врсници. И добро ја завршуваат. Барем во случајов со син му на Лионел.

Пред 62.000 гледачи на „Новиот Вајт Харт Лејн“ во Лондон, Ајакс го совлада Тотенхем со 0:1 по гол постигнат од помалку сомнителна офсајд ситуација пред голот на Лорис.

Од второто и третото квалификациско коло, преку плејофот, фазата по групи па се до неверојатното требење на гигантите во нокаут фазата, една од најважните и клучни фигури во тимот на Ајакс е Душан Тадиќ. Креатор на игра, дриблер, асистент, а и голгетер со 9 гола во ЛШ и вкупно 34 на сите натпреварувања.

Гурник Забже од Полска изведе слободен удар кој ниту го вежбале, ниту можеле да го извежбаат, бидејќи ова не се вежба, туку се случува чисто случајно или што би се рекло несакајќи.

Да, за тој Хунтелар зборуваме кој од Ајакс направи трансфери во Реал, Милан и Шалке и потоа направи кам бек во Ајакс. Оваа екипа и онака работи многу економично, а со напаѓач од рангот на Клас Јан Хунтелар може да уштеди и на голман. Па овој да ти бил неоткриен талент за на гол.

Во ера на модерен фудбал кој стана бизнис изразен во милијарди, уште се наоѓа по некој фудбалер кој не е чаламџија. Додуше млад е, ама па и Донарума беше млад кога почна за Милан па за кратко време се размази.

Ќе речеш професионалци се, барем 90 минути можат да издржат или 45 со оглед на паузата, ама ете се случува и тие се луѓе. Баш ради овие работи познаваме еден кој секогаш нарачува кафе со ладно млеко. Инаку ова е мечот Чавес - Национал во првата португалска лига.

Холандската бајка по име Ајакс продолжува вечерва со почеток од 21:00 часот. Во нокаут фазата ги суредија европскиот првак Реал Мадрид и фаворитот за титулата Јувентус. Сега им престои 180 минутна полуфинална битка со Тотенхем за пласман во финале. Со таа нивна силна мотивација и полетна игра сигурно ќе гризат за крајната цел.

Вака сега Блгари, денеска е Велигден, најголемиот христијански празник, така што место да фрлам паричка ќе се кршите со јајца. Кој ќе победи ќе ја изведе топката од центар. Бугариве се З-А-К-О-Н. Па уште добија јајца во боите на дресовите.

Легендата Биелса е толку голем цар што во неделата прво им нареди на своите играчи да се тргнат на страна за Астон Вила несметано да даде гол поради тоа што Лидс претходно неферски поведе со 1-0, а после мечот на конференција искрено кажа дека не може да го изговори правилно Ипсвич.

Иако до крајот на шпанската Ла Лига има уште три кола, Пабло Форналс, сезонава најдобриот играч на Виљареал комотно може да уплати аранжман за летување и да не му ја мисли. После ваква мајсторија, нема потреба да игра веќе сезонава.