Попладнево во Нион, по ждрепката за осминафинале во Лига на шампиони, традиционално под водство на веќе легендарниот Џорџо Маркети и неговиот гостин Маниш од Португалија, се извлекоа и паровите за 1/8 финале во Лига Европа. Одлични парови за големи мегдани.

На денешната ждрепка во Нион беа извлечени осминафиналните двојки за Лига на шампиони. Бодо Глимт доби противник по мерка.

За време на пријателска средба меѓу најпознатиот еквадорски клуб Индепендиенте дел Вале и Интер Мајами одигран во Порторико пред 12.500 гледачи, некои неодговорни поединци влетале во терен во желба да се сликаат со Лео Меси. При гужвата со редарите го собориле на земја.

Нотингем Форест успеа со вкупен резултат 4-2 и покрај поразот 1-2 на домашен терен од Фенербахче да помине во осминафинале на Лига Европа. Англиските медиуми пренесуваат фотографии од гостинскиот сектор на стадионот „Сити Граунд“ каде седеле турски навивачи кои направиле карамкаша.

Па нели на Анчелоти му се местиш на список за Светско? Каде со тој памет?

Сантос го совлада Васко де Гама со 2:1, а аплаузите одат на сметка на Нејмар кој ги реши со два гола, од кои еден убав со лоб. 34 годишниот напаѓач кој се изнамачи со повреди, сè уште се надева дека игра на Мундијалот. Последниот збор ќе го има Дон Карло.

Црвена Ѕвезда не успеа да го одбрани феноменалниот резултат од 0:1 остварен среде Франција. Пукна одбраната на Маракана по само 4 минути игра, а ја проби Оливие Жиру кој гази на 39 години. Мечот отиде во продолженија, а таму работата ја заврши дефанзивецот Натан Нгој во 99 минута.

Легендарниот Норвежанец од редовите на Манчестер Јунајтед денеска полни 53 години. Го постигна еден од најважните голови во историјата на клубот од Олд Трафорд. Во 93-та минута, во финале од ЛШ против Баерн. Потег вреден трофеј. Незаборавен трилер.

Неговите екипи играат најубав фудбал за око, со голем посед на топка и интензивни шанси пред противнички гол. Ама тие шанси требаше да се користат, не да се цепидлачи пред голман.

Ал Наср синоќа со 0-5 ја разбил Ал Наџма во саудиската лига. Головите ги дале Кристијано Роналдо од пенал, Кингсли Коман, Ињиго Мартинез два и Садио Мане. Португалецот не го направи стандардното сиуууу туку нешто слично.

Светското првенство во фудбал 1970 во Мексико стана круна на кариерата на фантастичниот Пеле. Тогаш Бразил го освои третото светско шампионско злато во историјата. Нетфликс снимил филм за тој легендарен период. Сега вниманието не е само на Пеле како во филмот: „Пеле - раѓање на легендата“ туку на цел Селесао.

Дваесет и пет годишниот црногорски репрезентативец Никола Крстовиќ е херој на италијанскиот претставник. Аталанта во реваншот бркаше голема негатива од 0:2. Прво јуначки надомести 3-0, но гостите намалија на 3-1. Кога сите чекаа продолженија домаќинот доби пенал буквално во последните секунди од мечот кога Бенсебаини грубо го фаулираше Крстовиќ и го расече по цела глава со невнимателен старт со копачките.

Дваесет и седум годишниот центарфор на Келн Рагнар Аче постигна прекрасен гол за Келн на дуелот со Хофенхајм кој заврши 2-2. Овој погодок сигурно ќе биде кандидат за гол на сезоната во Бундеслига а и за наградата „Ференц Пушкаш“ која ја доделува ФИФА.

Јувентус одигра машки 90 минути против Галатасарај во кои се играч помалку се избори за победа од 3:0 вредна продолженија. Потоа Косоварот Едон Жегрова испушти две големи шанси. Прво го промаши цел гол, а потоа Чакир му одбрани. Издојуваме и трета шанса, онаа на Кенан Јилдиз во 78 минута.

Луди реванши пружи втората вечер од Лига на шампиони каде се пополнија местата за осминафинале. Јувентус беше на праг од сензационален пресврт. После дебаклот во Истанбул од 5:2, бјанконерите имаа неверојатни 3-0 со играч помалку на својот стадион но Осимен во продолжение ги олади домашните. Аталанта го стори тоа што не му успеа на Јуве.

Во Бергамо вечерва во првите термини од реваншите во Лига на шампиони, Аталанта бркаше 0-2 од првиот дуел против Борусија Дортмунд и со неверојатен триумф од 4:1 се пласираше во осминафиналето на ЛШ.

Во пар наврати дојде и на „Градски“ во Скопје, што со клуб што со репрезентација. Високиот џин Јан Колер беше права напаст за противничките одбранбени фудбалери во шеснаесетникот.

Налетавме на едно видео од 45 секунди во кое Норвежаните царуваат во Милано. Ненормално добро. Ко Барса со Гвардиола.

Роналдо да Лима, R9 или The Phenomenon. Излезе ли пред голман, толку е приказната. Овој човек беше нешто посебно. Па уште музичево како се лепи. Уживајте.

Откако повеќе од две недели престојуваше на Зимските олимписки игри во Милано и Кортина каде го носеше и олимпискиот факел, Снуп Дог ја продолжил својата европска авантура. Сега е во Велс. Синоќа го следел натпреварот меѓу Свонси и Престон (1:1) во втората англиска лига Чемпионшип. Американскиот рапер има дел од пакетот акции во Свонси кој го купил минатото лето.

Норвешкиот претставник во Лига на шампиони, малиот и симпатичен Бодо Глимт игра сезона од соништата која ќе се памети уште долго.

По Ајакс 1971/1972, Бодо Глимт е прва екипа во ЛШ со 4 победи по ред против екипи од топ 5 лигите во Европа. Неверојатен податок. Погледнете им ја серијава. Првенството им е на пауза. Играат само Европа, а таму мелат и со пласманот во осминафинале испишаа нова историја. Следен противник им е Манчестер Сити или Спортинг.

Легендарниот италијански фудбалер и волшебник на Јувентус, Алесандро Дел Пјеро веќе некое време работи и како стручен коментар на натпреварите од Лига на шампиони. Водителката Кејт Абдо го праша што е работава со италијанските клубови, испаднаа од Лига на шампиони и се на праг од испаѓање речиси сите.