Само три дена откако Фиорентина со 3-0 го испраши Интер во преиграниот натпревар откако претходниот беше прекинат на 1-ви декември, синоќа овие два тима повторно се сретнаа меѓу себе. Овојпат на „Џузепе Меаца“ славеше Интер 2-1 со головите на Понграчиќ (автогол) и Марко Арнаутовиќ. Едниот погодок на Интер беше постигнат после корнер кој беше досуден откако топката претходно речиси пола метар беше во гол-аут но судиите направија голем привид.

Дојде вторник, време е за првите плејоф битки во Лига на шампиони. Во тој контекст ќе потсетиме на едно ремек дело старо точно 20 години од средбата меѓу Интер и Порто. Се сеќава ли некој каков проектил испука Хуго Алмеида на Џузепе Меаца?

Синоќа во главниот град на Уругвај, Монтевидео, се одиграло градското дерби меѓу Насионал и Пењарол. Мечот завршил 1-1 а израмнувачки гол за домашните дал Херемиа Рекоба, синот на легендарниот фудбалер на Интер Алваро Рекоба. Херемиа Рекоба има 21 година, роден е во италијански Комо. Игра во средниот ред. Почнал да тренира во Данубио а од 2021-ва е во Насионал Монтевидео.

Англискиот репрезентативец Џуд Белингам на дербито Реал Мадрид - Атлетико Мадрид после еден аут за ривалот, пцуеше по линискиот судија. Се слушна во камерите.

Фенербахче славеше 0:2 на гостувањето против Аланијаспор. Додека цел тим беше во клупскиот автобус, навивач трчаше покрај нив. Жозе како Жозе е роден за уникатни потези, па му рекол на возачот да застане, за да го пуштат внатре. Со сите играчи имаше можност да се слика или да се поздрави. Се разбира почнувајќи од славниот тренер. Остај друго, него и на вечера го викнал.

Наполитанците како лидери на табела кикснаа против Удинезе (1:1). Резултатот го отвори Мектоминеј во 37 минута, а само 3 минути подоцна Холанѓанецот Јирген Екеленкамп ги збуни сите со начинот на кој го израмни резултатот. Чуден удар кој личи на сув лист од необична позиција.

Нов голем скандал во турскиот фудбал. Синоќа на мечот Галатасарај - Адана Демирспор во 34' минута, гостите решија да го напуштат натпреварот и да заминат откако судијата досуди крајно сомнителен пенал за домашните кој во гол во претвори новајлијата Алваро Мората.

За време на полувремето од дуелот Астон Вила - Тотенхем во ФА Купот кој домаќините го добија 2-1, некои гостински навивач чукал на стаклото од студиото во кое како стручни аналитичари биле Дион Даблин, Џермејн Дефо, Џо Харт и водителот Марк Чепмен. „Др**џии“! им вика натрапникот а Даблин вика: „Ќе го исфрлам надвор на пауза“, а водителот додава: „И да го исфрлиш, јас ќе бидам позади тебе“.

Варен Бондо од Монца е едно од најновите засилувања на Милан. Златан уште на презентацијата пред новинарите, почна да го учи на некои работи.

После двете сезони во Олимпијакос и Флуминенсе, 36 годишната бразилска легенда реши да ги закачи копачките на клинец. Зад името Марсело ќе останат запишани 16 сезони, 721 натпревар, 58 гола, 117 асистенции, 25 трофеи, сето ова во дресот на Реал Мадрид. Тој беше гостин на градското дерби во Мадрид, каде доби овации од публиката, како и урамнет дрес од клубот. Си се поклонија со Модриќ еден со друг.

Лидерот во Премиер лига и една од најсилните екипи сезонава, Ливерпул, се посрамоти попладнево во англискиот ФА Куп. Изгубија на гостински терен од најслабиот, последно пласираниот тим во втората лига Чемпионшип, Плимут.

На дуелот Кашимпаша - Ризеспор кој домаќините го добиле 3:2 во турската Суперлига, 30-годишниот Кевин Родригез кој има 3 настапи за репрезентацијата на Португалија, постигна прекрасен еврогол кој уште долго ќе се врти.

После огромни притисоци од двете страни врз судиите, главниот арбитар на дербито Реал Мадрид - Атлетико Мадрид Сото Градо досуди мошне сомнителен пенал за гостите. Чуамени стартуваше над Лино но топката веќе беше отидена далеку од нив, а прашање е колку евентуален контакт попречи акција на Атлетико Мадрид. Се гледаше ВАР, гостите добија пенал а Хулиан Алварез мангупски го реши со паненка во 35' минута.

Помалку очекувано, едно од најскапите засилувања во историјата на Манчестер Јунајтед, Бразилецот Антони за кого на Ајакс му исплатија повеќе од 100 милиони евра со бонуси, по катастрофалните настапи во Англија, дојде на позајмица во Бетис и живна. Во Шпанија му одговара изгледа и јазикот и средината и новиот тим. На првиот дебитантски меч имаше асистенција и доби награда за играч на натпреварот, а на вториот настап постигна гол во поразот од Селта Виго (3:2).

Во дербито на колото во француската Лига1, ПСЖ со 4-1 го разби Монако и се одлепи 13 бода пред второпласираниот Марсеј кој има и натпревар помалку. Монако е четврти со 37 бода. Два гола постигна фантастичниот Усман Дембеле кој веќе има 16 погодоци во Лига1 а дебитантски гол даде и новајлијата Хвича Кварацхелија. И тоа какво голчиште.

Не сме виделе до сега вакви синхронизирани силеџии, за кои не е доволно само црвен картон. Во Јужна Америка знаат често да претераат.

Те чува Турам, ти брани Буфон, ама ти си Виери. Дрзок, самоуверен, во тие времиња расен стрелец. Да не ја отвораме па темата какво женкариште беше на времето. Кристијан Бобо Виери, еден од симболите на златните времиња на Серија А.

Македонскиот репрезентативец се врати во Италија каде со Наполи освои историско скудето во 2023-та година. По престојот во Германија каде немаше убаво пројдено време, не играше речиси воопшто и повеќе беше на клупа и на трибини отколку на терен, во јануари потпиша за Торино.

Уф какво ретро. Манчестер Јунајтед (10 класи над овој) против Интер на Морати. Рој Кин се поздравува машки со јака клапа составена од Занети, Баџо, Заморано...И толку, не чека никого да се намести. 

Уште 10 вакви клипови да ни улетаат, сите ќе ги изгледаме и објавиме. Неверојатна леснотија и елеганција лежеше во играта на оваа легенда. Великан. Доктор со топката.

Македонскиот репрезентативен голман Столе Димитриевски и неговата Валенсија во само неколку дена го осетија целиот рафален потенцијал на нападот на Барселона. Каталонците се сурови сезонава пред противничките голови.

Атлетико Мадрид периодв игра во зенитот на формата сезонава. Го достигнаа врвот. Имаат неколку победи и рамноправно се борат за титулата со Реал и Барселона. Во вторникот во Кралскиот Куп го растурија Хетафе 5-0 и се пласираа во полуфинале. После тој натпревар Антоан Гризман дотрчал до трибините да го подари дресот на некое дете, а за возврат од навивачите добил сликички со Покемон.

Нема овие денови првенства, ама Купови колку сакаш. Галатасарај го совлада Болуспор на гости со 1:4. 20 годишниот Ејуп Ајдин испорача сјаен кифла удар. Голманот ја гледаше.